Segja borgarstjóra vega að starfsheiðri kennara
„Kennurum í Reykjavík finnst borgarstjóri hafa vegið að starfsheiðri sínum. Orð hans lýsa algjöru skilningsleysi á kennarastarfinu, þar sem hann fullyrðir að kennarar semji sig frá kennsluskyldu, vinnuskyldu og annarri viðveru."
Þetta er meðal þess sem kemur fram í sameiginlegri ályktun trúnaðarmanna og stjórna Kennarafélags Reykjavíkur og 1. deildar Félags leikskólakennara. Ályktunin var samþykkt samhljóða í lok fjölmenns fundar sem fór fram í Stórholti, sal Kennarasambandsins í gær.
Ummæli borgarstjóra á fjármálaráðstefnu sveitarfélaga, sem fram fór í síðustu í viku, voru efni fundarins.
Ályktun fundarins hljóðar svo:
Reykjavík 13. október 2024
Yfirlýsing sameiginlegs fundar trúnaðarmanna og stjórna Kennarafélags Reykjavíkur og 1. deildar Félags leikskólakennara.
Kennarar í Reykjavík gera alvarlegar athugasemdir við þau ummæli sem Einar Þorsteinsson borgarstjóri lét falla á fjármálaráðstefnu Sambands íslenskra sveitarfélaga í liðinni viku.
Kennurum í Reykjavík finnst borgarstjóri hafa vegið að starfsheiðri sínum. Orð hans lýsa algjöru skilningsleysi á kennarastarfinu, þar sem hann fullyrðir að kennarar semji sig frá kennsluskyldu, vinnuskyldu og annarri viðveru. Að halda því fram að kennarar sækist eftir minni samveru með börnum er svívirðileg móðgun við kennara sem hafa menntað sig til þess að starfa með börnum. Það sem gerir ummæli hans sérstaklega ámælisverð er að hann er æðsti yfirmaður kennara í Reykjavík.
Borgarstjóri veltir upp þeirri hugleiðingu hvort sveitarfélögin séu að fá rétta vinnuframlagið fyrir þá þjónustu sem þau þurfi lögum samkvæmt að veita. Hann segir jafnframt að kennarar séu veikari en nokkru sinni fyrr, kenni minna og hafi aukinn undirbúningstíma. Þessi orð borgarstjóra eru alvarleg og sett fram án nokkurs rökstuðnings.
Orðum fylgir ábyrgð og með því að tala á þennan hátt til kennara á opinberum vettvangi samþykkir borgarstjóri virðingarleysi í garð kennara.
Virðingarfyllst,
Trúnaðarmenn og stjórn Kennarafélags Reykjavíkur
Trúnaðarmenn og stjórn 1. deildar Félags leikskólakennara.
Segja borgarstjóra vega að starfsheiðri kennara
„Kennurum í Reykjavík finnst borgarstjóri hafa vegið að starfsheiðri sínum. Orð hans lýsa algjöru skilningsleysi á kennarastarfinu, þar sem hann fullyrðir að kennarar semji sig frá kennsluskyldu, vinnuskyldu og annarri viðveru."
Þetta er meðal þess sem kemur fram í sameiginlegri ályktun trúnaðarmanna og stjórna Kennarafélags Reykjavíkur og 1. deildar Félags leikskólakennara. Ályktunin var samþykkt samhljóða í lok fjölmenns fundar sem fór fram í Stórholti, sal Kennarasambandsins í gær.
Ummæli borgarstjóra á fjármálaráðstefnu sveitarfélaga, sem fram fór í síðustu í viku, voru efni fundarins.
Ályktun fundarins hljóðar svo:
Reykjavík 13. október 2024
Yfirlýsing sameiginlegs fundar trúnaðarmanna og stjórna Kennarafélags Reykjavíkur og 1. deildar Félags leikskólakennara.
Kennarar í Reykjavík gera alvarlegar athugasemdir við þau ummæli sem Einar Þorsteinsson borgarstjóri lét falla á fjármálaráðstefnu Sambands íslenskra sveitarfélaga í liðinni viku.
Kennurum í Reykjavík finnst borgarstjóri hafa vegið að starfsheiðri sínum. Orð hans lýsa algjöru skilningsleysi á kennarastarfinu, þar sem hann fullyrðir að kennarar semji sig frá kennsluskyldu, vinnuskyldu og annarri viðveru. Að halda því fram að kennarar sækist eftir minni samveru með börnum er svívirðileg móðgun við kennara sem hafa menntað sig til þess að starfa með börnum. Það sem gerir ummæli hans sérstaklega ámælisverð er að hann er æðsti yfirmaður kennara í Reykjavík.
Borgarstjóri veltir upp þeirri hugleiðingu hvort sveitarfélögin séu að fá rétta vinnuframlagið fyrir þá þjónustu sem þau þurfi lögum samkvæmt að veita. Hann segir jafnframt að kennarar séu veikari en nokkru sinni fyrr, kenni minna og hafi aukinn undirbúningstíma. Þessi orð borgarstjóra eru alvarleg og sett fram án nokkurs rökstuðnings.
Orðum fylgir ábyrgð og með því að tala á þennan hátt til kennara á opinberum vettvangi samþykkir borgarstjóri virðingarleysi í garð kennara.
Virðingarfyllst,
Trúnaðarmenn og stjórn Kennarafélags Reykjavíkur
Trúnaðarmenn og stjórn 1. deildar Félags leikskólakennara.