is / en / dk

 

Fulltrúar í Kjörstjórn:
Björk Helle Lassen Formaður Félag grunnskólakennara bhelle@simnet.is
Helga Sighvatsdóttir Ritari Félag kennara og stjórnenda í tónlistarskólum helga@tonar.is
Lóa Björk Hallsdóttir   Félag leikskólakennara loabhall@gmail.com
Til vara:    
Lóa Steinunn Kristjánsdóttir   Félag framhaldsskólakennara loak@msund.is
Örn Halldórsson   Fulltrúi SÍ, FSL og FS orn.halldorsson@reykjavik.is 
       

Hlutverk:

  1. Að stýra kosningu formanns og varaformanns.
  2. Að hafa yfirumsjón með fulltrúakjöri fyrir þing KÍ.
  3. Að undirbúa og stjórna allsherjaratkvæðagreiðslu um verkfallsboðun og kjarasamninga, skv. lögum nr. 94/1986 um kjarasamninga opinberra starfsmanna og lögum nr. 38/1938 um stéttarfélög og vinnudeilur.
  4. Að undirbúa og stjórna öðrum atkvæðagreiðslum sem kveður á um í lögum KÍ eða sambandsstjórn felur kjörstjórn sérstaklega.

Kjörstjórn úrskurðar um úrslit í atkvæðagreiðslu, kjörskrárkærur, vafaatkvæði og önnur ágreiningsatriði sem upp kunna að koma í atkvæðagreiðslum sem hún sér um.  

ALLSHERJARATKVÆÐAGREIÐSLA UM KJARASAMNINGA
Atkvæðisrétt hafa félagsmenn KÍ sem starfa hjá ríkinu eða sveitarfélögum landsins og uppfylla aðildarskilyrði viðkomandi félags.

Þeir sem ekki hafa rétt til að taka þátt í kosningunni skv. 23. grein laga um kjarasamninga opinberra starfsmanna nr. 94/1986 eru:

  • Félagsmenn í launalausu leyfi, þar sem þeir taka ekki laun samkvæmt kjarasamningi KÍ.
  • Félagsmenn sem eru á sjúkradagpeningum, þar sem þeir taka ekki laun samkvæmt kjarasamningi KÍ.
  • Flagsmenn sem eru ekki í starfi, en þiggja atvinnuleysisbætur, þar sem þeir taka ekki laun samkvæmt kjarasamningi KÍ.
  • Félagsmenn sem hafa beina félagsaðild að KÍ, þar sem launagreiðandi semur ekki við KÍ, en kjarasamningar KÍ eru notaðir til viðmiðunar um launakjör starfsmanns. Sjá nánar á heimasíðu KÍ, reglur um félagsaðild.
  • Starfsmenn KÍ, nema þeir séu með gildan ráðningarsamning við þann vinnuveitanda sem KÍ semur við í viðkomandi kjarasamningi og sú ráðning uppfylli aðildarskilyrði.

Hafa skal í huga að í atkvæðagreiðslu um kjarasamning þarf yfir 50% allra greiddra atkvæða til að fella kjarasamning. Auð atkvæði teljast með greiddum atkvæðum. Sjá nánar hér fyrir neðan um talningu auðra atkvæða.
 

ALLSHERJARATKVÆÐAGREIÐSLA UM VERKFALLSBOÐUN
Atkvæðisrétt hafa félagsmenn KÍ sem starfa hjá ríkinu eða sveitarfélögum landsins og uppfylla aðildarskilyrði viðkomandi félags. Til þessa hóps teljast líka þeir sem eru í launuðu veikindaleyfi.

Þeir sem ekki hafa rétt til að taka þátt í kosningunni eru: 

  • Félagsmenn í fæðingarorlofi sem fá eingöngu greitt úr fæðingarorlofssjóði.
  • Félagsmenn í launalausu leyfi, þar sem þeir taka ekki laun samkvæmt kjarasamningi KÍ.
  • Félagsmenn sem eru á sjúkradagpeningum, þar sem þeir taka ekki laun samkvæmt kjarasamningi KÍ.
  • Félagsmenn sem eru ekki í starfi, en þiggja atvinnuleysisbætur, þar sem þeir taka ekki laun samkvæmt kjarasamningi KÍ.
  • Félagsmenn sem hafa beina félagsaðild að KÍ, þar sem launagreiðandi semur ekki við KÍ, en kjarasamningar KÍ eru notaðir til viðmiðunar um launakjör starfsmanns. Sjá nánar á heimasíðu KÍ, reglur um félagsaðild.
  • Starfsmenn KÍ, nema þeir séu með gildan ráðningarsamning við þann vinnuveitanda sem KÍ semur við í viðkomandi kjarasamningi og sú ráðning uppfylli aðildarskilyrði.

Hafa skal í huga að í atkvæðagreiðslu um verkfallsboðun þarf samkvæmt lögum um kjarasamninga opinberra starfsmanna helmingur félagsmanna að taka þátt og meirihluti þátttakenda að samþykkja (einfaldur meirihluti).
 

RAFRÆNAR KOSNINGAR
Kosning fer fram í rafrænu kosningakerfi KÍ og er leynileg.

Kosning um kjarasamninga: Kjörstjórn veitir upplýsingar um kjörsókn meðan á kosningu um kjarasamninga stendur. Starfsmaður kjörstjórnar sendir upplýsingar um hádegi alla virka daga, til formanns KÍ, formanns viðkomandi aðildarfélags og útgáfu- og kynningarstjóra KÍ.

Kosning um formann og varaformann: Kjörstjórn veitir upplýsingar um kjörsókn meðan á kosningu stendur.

Starfsmaður kjörstjórnar sendir upplýsingar um hádegi alla virka daga til útgáfu- og kynningarstjóra KÍ. Starfsmaður kjörstjórnar sendir trúnaðarmönnum og félagsmönnum tölvupóst þegar kosning er hálfnuð, til að minna á að kosningar standi yfir.

Að kosningu lokinni gengur kjörstjórn frá niðurstöðum. Starfsmaður kjörstjórnar upplýsir fyrst formann viðkomandi aðildarfélags KÍ og formann KÍ um niðurstöðu kosninga og síðan útgáfusvið KÍ sem kemur upplýsingum til fjölmiðla.

Ofangreindar reglur gilda einnig um skóla eða vinnustaði sem semja sjálfir við sína starfsmenn, t.d. Verzlunarskóla Íslands, Tækniskólann, einkarekna grunnskóla og leikskóla.

Eyðing gagna. Kjörgögn eyðast sjálfkrafa að þremur mánuðum liðnum í kosningakerfi. Kjörgögn eru varðveitt þennan tíma svo nýta megi upplýsingar um kjörskrá vegna umsókna um verkfallsbætur félagsmanna.

Félagaskipti eru ekki heimil meðan á kosningu stendur.

Lengd kosninga. Rafrænar atkvæðagreiðslur þurfa að standa yfir í a.m.k. þrjá virka daga.
 

Kjörstjórn KÍ, 19. október 2017
Björk Helle Lassen
Lóa Björk Hallsdóttir
Helga Sighvatsdóttir

ÍTAREFNI:

Lög um kjarasamninga opinberra starfsmanna nr. 94/1986
23. gr.
Ákvarðanir um samninga eða annað, er varðar kjör starfsmanna og fer eftir lögum þessum, verða aðeins teknar af þeim sem starfa hjá þeim vinnuveitanda eða vinnuveitendum sem samningurinn nær til. 

Enginn starfsmaður má taka þátt í atkvæðagreiðslu eða ákvörðun um kjaramál nema í einu stéttarfélagi sem er samningsaðili samkvæmt lögum þessum.


Talning auðra atkvæða í atkvæðagreiðslu um kjarasamning
Með vísan til dóms Félagsdóms nr. 5/1988 teljast auð atkvæði með greiddum atkvæðum. Yfir 50% allra greiddra atkvæða þarf til að fella kjarasamning. Það felur í sér að auð atkvæði jafngilda atkvæðum sem styðja kjarasamning.

 

 

Nefndir og ráð