is / en / dk

05. Mars 2018

Heilsuleikskólinn Bæjarból auglýsir eftir leikskólakennara, grunnskólakennara, íþróttakennara, uppeldis – og menntunarfræðingi eða starfsmanni með aðra hagnýta menntun til að bætast í okkar góða starfsmannahóp og bera ábyrgð á markvissri hreyfingu. Gott tækifæri fyrir þá sem hafa áhuga á hreyfingu, íþróttum, jóga og almennri heilsueflingu en leikskólar reknir af Garðabæ hafa til úthlutunar sérverkefnasjóð þar sem metnaðarfullir starfsmenn hafa tækifæri til að auka við laun sín.

Í Heilsuleikskólanum Bæjarbóli er lögð áhersla á hreyfingu, hreysti og útiveru. Öll börn leikskólans fara í markvissar hreyfistundir í hverri viku.
Einkunnarorð skólans eru: Leikgleði – Agi – Lífsleikni.

Menntun, hæfni og reynsla:

  • Kennaramenntun, uppeldisfræðimenntun, þroskaþjálfamenntun eða önnur menntun sem nýtist í starfi
  • Reynsla af starfi í leikskóla eða starfi með börnum er æskileg
  • Ánægja af því að starfa með börnum
  • Áhugi á heilsueflandi leikskólastarfi og hreyfingu
  • Frumkvæði, samskiptahæfni og sjálfstæði í vinnu
  • Góð íslenskukunnátta

Um 50 - 80 % starfshlutfall er að ræða eða eftir samkomulagi og er staðan laus frá 1.ágúst 2018. Umsóknarfrestur er til og með 23. mars 2018.

Nánari upplýsingar um starfið veita Anna Bjarnadóttir leikskólastjóri og Rósa B. Arnardóttir aðstoðaleikskólastjóri í síma 5121570 eða með því að senda tölvupóst á baejarbol@leikskolarnir.is

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.
 

Áhugasamir einstaklingar, án tillits til kyns, eru hvattir til að sækja um. Umsækjendur eru beðnir um að sækja um rafrænt á heimasíðu Garðabæjar www.gardabaer.is. Umsóknum skal fylgja ítarleg starfsferilskrá.

 

 


 

Tengt efni