is / en / dk

11. október 2017

Leikskólinn Kirkjuból er þriggja deilda leikskóli, staðsettur nálægt miðbæ Garðabæjar í fallegu og fjölbreyttu umhverfi. Áherslur leikskólans eru á sköpun og lífsleikni ásamt náttúru og umhverfi. Leikskólinn starfar í anda fjölgreindakenningar Howards Gardner ásamt því að vinna með vináttuverkefni, Lubbi finnur málbein, Numicon og fleira.

Einkunnarorð leikskólans eru: Virðing - Vinátta - Væntumþykja.

Heimasíða leikskólans er: www.kirkjubolid.is

Leikskólar reknir af Garðabæ hafa til úthlutunar sérverkefnasjóð þar sem metnaðarfullir starfsmenn hafa tækifæri til að auka við laun sín.

Rúmlega 40% starfsmanna á Kirkjubóli eru fagmenntaðir og viljum við gjarnan auka fjölda þeirra í starfsmannahópnum.

Við leitum að stundvísum, skipulögðum, ábyrgum og heiðarlegum starfsmanni til að bætast við metnaðarfullan starfsmannahóp leikskólans.

Helstu verkefni og ábyrgð:
• Vinnur með og undir stjórn leikskólastjóra
• Sérkennslustjóri starfar eftir starfslýsingu sérkennslustjóra, ásamt því að starfa samkvæmt lögum og reglugerð um leikskóla, lögum um málefni fatlaðra, öðrum lögum er við eiga aðalnámskrá leikskóla og Skólastefnu Garðabæjar

Menntun, hæfni og reynsla:
• Leikskólakennaramenntun eða önnur uppeldismenntun sem nýtist í starfi
• Framhaldsmenntun í sérkennslufræðum eða reynsla af sérkennslu
• Reynsla af starfi í leikskóla eða starfi með börnum er æskileg
• Færni í samskiptum
• Frumkvæði í starfi og faglegur metnaður
• Sjálfstæð og skipulögð vinnubrögð
• Góð íslenskukunnátta er skilyrði

Um er að ræða 75% stöðu frá 1. janúar 2018 eða eftir samkomulagi, með möguleika á hærra starfshlutfalli. Umsóknarfrestur er til og með 31. október 2017.

Nánari upplýsingar um starfið veita Ásta Kristín Valgarðsdóttir leikskólastjóri og Anna Kristín Sveinsdóttir aðstoðarleikskólastjóri í síma 5656322. Einnig hægt að senda tölvupóst á netfangið kirkjubol@leikskolarnir.is.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.
Áhugasamir einstaklingar, án tillits til kyns, eru hvattir til að sækja um.
Umsækjendur eru beðnir um að sækja um rafrænt á heimasíðu Garðabæjar www.gardabaer.is. Umsóknum skal fylgja ítarleg starfsferilskrá.

 

  

Tengt efni