is / en / dk

01. September 2017

Hofsstaðaskóli auglýsir eftir umsjónarkennara í teymiskennslu í 2. bekk vegna forfalla. Staðan er laus nú þegar eða eftir samkomulagi.

Í Hofsstaðaskóla eru 555 nemendur í 1.-7. bekk og þar starfa um 100 starfsmenn með það að markmiði að hlúa að nemendum bæði námslega og félagslega og koma til móts við áhuga þeirra og getu. Í skólanum fer fram fjölbreytt og metnaðarfullt starf sem er í stöðugri þróun. Áhersla er lögð á fjölbreytta kennsluhætti, skapandi starf og einstaklingsmiðað skólastarf í anda skólastefnu Garðabæjar. Kennsla í list- og verkgreinum, upplýsingatækni og nýsköpun skipar stóran sess í skólastarfinu.
 

Helstu verkefni og ábyrgð:

  • Umsjón með námshópi í teymiskennslu.
  • Standa vörð um nám og velferð nemenda.
  • Vera í samstarfi við foreldra.
  • Taka þátt í þróun skólastarfsins.
     

Hæfniskröfur:

  • Leyfisbréf til kennslu á grunnskólastigi.
  • Góð samskipta- og skipulagsfærni.
  • Áhugi á samvinnu og teymiskennslu.
  • Faglegur metnaður og ánægja af starfi með börnum.
  • Frumkvæði og jákvæðni gagnvart skólaþróun.
  • Góð færni í upplýsingatækni og vinnu með tölvur og spjaldtölvur.
     

Umsóknarfrestur er til og með 16. september 2017.

Nánari upplýsingar um starfið veita Margrét Harðardóttir skólastjóri í síma 820 8590 eða með því að senda fyrirspurn á margreth@hofsstadaskoli.is og Hafdís Bára Kristmundsdóttir aðstoðarskólastjóri í síma 617 1591 eða með því að senda fyrirspurn á hafdis@hofsstadaskoli.is.

Launakjör eru samkvæmt kjarasamningi Sambands íslenskra sveitarfélaga við Kennarasamband Íslands. Áhugasamir einstaklingar, án tillits til kyns, eru hvattir til að sækja um. Umsækjendur eru beðnir um að sækja um rafrænt á heimasíðu Garðabæjar. Umsóknum skal fylgja ítarleg starfsferilskrá.
 

Tengt efni