is / en / dk

Fræðslunefnd KÍ stendur fyrir árlegu fræðslunámskeiði fyrir trúnaðarmenn um störf þeirra, réttindi og skyldur og er markmiðið að efla trúnaðarmenn í störfum sínum og þekkingu á réttinda- og hagsmunamálum félagsmanna.

Námskeiðið beinist sérstaklega að nýlegum og nýjum trúnaðarmönnum. Með nýlegum trúnaðarmönnum er átt við þá sem hafa verið trúnaðarmenn undanfarin tvö ár og með nýjum trúnaðarmönnum er átt við þá sem eru trúnaðarmenn frá upphafi þessa skólaárs. Námskeiðið er að sjálfsögðu opið fyrir aðra trúnaðarmenn ef þeir telja sig hafa þörf fyrir þessa fræðslu.

ATHUGIÐ að fræðsla KÍ fyrir trúnaðarmenn snýst um sameiginleg réttinda- og hagsmunamál en ekki um kjarasamninga og starfsemi aðildarfélaga KÍ því viðkomandi félag sér um þá fræðslu.

Fræðslunámskeiðið verður haldið í Reykjavík, Grand hóteli, miðvikudaginn 11. október nk. kl. 10:00 – 15:00, og er mæting kl. 9:30.

Á námskeiðinu verður fjallað um skipulag og starfsemi KÍ, réttindi og skyldur trúnaðarmanna, ráðningarmál og réttindi, fæðingarorlof, veikindarétt og orlof og fleira. Dagskrá verður send út innan tíðar. Upplýsingar um námskeiðið eru ennfremur á heimasíðu KÍ undir „Trúnaðarmenn“.

Námskeiðið verður sent út í streymi og er hægt að fylgjast með því í hvaða nettengdri tölvu sem er. Þeir sem velja þennan kost geta sent fyrirspurnir og ábendingar í tölvupósti til fundarstjóra meðan á námskeiðinu stendur.

Trúnaðarmenn eru beðnir um að skrá sig strax á námskeiðið hér: 

Mikilvægt er að merkja við hvort þið ætlið að mæta á fundarstað eða taka þátt í námskeiðinu í streymi.

Námskeiðsgögn verða aðgengileg á netinu og eru trúnaðarmenn beðnir að hafa með sér fartölvur eða spjaldtölvur.

Vinsamlega gerið skólastjórnendum grein fyrir fjarveru ykkar og ástæðum. Í þessu bréfi á bls. tvö eru ennfremur reglur KÍ um ferðakostnað.

Reglur KÍ um ferðakostnað
KÍ greiðir ferðakostnað þeirra sem búa utan höfuðborgarsvæðisins miðað við skemmstu mögulegu dvöl í Reykjavík til að sækja námskeiðið.

Flugferðir: Þeir sem koma með flugi eru beðnir um að bóka sjálfir flug á vefnum og greiða. Þeir sem búa lengra en 25 km frá flugvelli fá greiddan akstur umfram 25 km hvora leið. Þeir sem koma með flugi fá greidda leigubíla innan Reykjavíkur til og frá fundarstað. Mikilvægt er að bóka flug sem fyrst til að ná lágum fargjöldum.

Akstur á eigin bifreið: Þeir sem koma akandi á eigin bifreið og búa í meira en 25 km fjarlægð frá fundarstað fá greiddan akstur samkvæmt kílómetragjaldi og vegtoll (göng) ef um hann er að ræða. Þeir sem eiga kost á flugi en kjósa að aka á eigin bifreið fá greidda upphæð sem nemur verði flugfarmiða. Þeir sem búa á sama svæði eru beðnir um að sameinast í bíla eins og kostur er.

Áætlunarbílar og ferjur: Þeir sem ferðast með áætlunarbíl eða ferju fá greitt fargjald og leigubíl til og frá fundarstað.

Gisting: KÍ greiðir gistingu á Fosshótel Barón, Lind eða Rauðará í Reykjavík að hámarki kr. 10.400 á nótt (einstaklingsherbergi með morgunmat).

Þeim sem þurfa að gista er bent á eftirfarandi leiðir:

  1. Bóka sjálfir hótelherbergi og nota hótelávísun frá orlofssjóði KÍ sem þeir kaupa á orlofsvef sjóðsins á heimasíðu KÍ (ki.is).
  2. Bóka sjálfir herbergi á Sóleyjargötu 25 eða 33 í Reykjavík á vef orlofssjóðsins á heimasíðu KÍ (ki.is).

Í báðum tilvikum eru orlofspunktar bakfærðir eftir á.

Á fundarstað skal fylla út ferðakostnaðareyðublað og láta kvittanir fyrir útlögðum kostnaði samkvæmt ofangreindum reglum fylgja með.

Fræðslunámskeið KÍ fyrir trúnaðarmenn var haldið miðvikudaginn 12. október 2016, kl. 9:00-16:00, á Grand hóteli, Reykjavík.

Fræðslan fól í sér grunnkynningu á réttindum og skyldum sem trúnaðarmenn þurfa að kunna skil á í störfum sínum. Fræðslan var fyrir alla trúnaðarmenn og voru nýlegir og nýir trúnaðarmenn sérstaklega hvattir til að mæta. Markmiðið var að efla trúnaðarmenn í störfum sínum og þekkingu á réttinda- og hagsmunamálum félagsmanna. KÍ sér um fræðslu fyrir trúnaðarmenn um sameiginleg réttinda- og hagsmunamál en aðildarfélög KÍ sjá um fræðslu um kjarasamninga og starfsemi hvers félags.

Á fræðslunámskeiðinu var fjallað um eftirfarandi efni: Skipulag og starfsemi KÍ, réttindi og skyldur trúnaðarmanna, kjaramál og kjaraumhverfi, ráðningarmál og réttindi, orlof og veikindarétt og starfsumhverfi og vinnuvernd.

Hér má finna upptökur af öllum erindum sem haldin voru á trúnaðarmannafræðslunni sem og glærukynningar leiðbeinenda: 

 

Skipulag og starfsemi KÍ
Guðbjörg Ragnarsdóttir, fræðslunefnd KÍ
GLÆRUR:
 

Réttindi og skyldur trúnaðarmanna
Aðalheiður Steingrímsdóttir, fræðslunefnd KÍ
GLÆRUR: 

 

Kjaramál og kjaraumhverfi
Oddur S. Jakobsson, hagfræðingur KÍ
GLÆRUR:

 

Ráðningamál og réttindi
Anna Rós Sigmundsdóttir, lögfræðingur KÍ
GLÆRUR

 

Orlofs- og veikindaréttur
Ingibjörg Úlfarsdóttir, sérfræðingur KÍ
GLÆRUR:
 

Starfsumhverfi og vinnuvernd
Hafdís Dögg Guðmundsdóttir, sérfræðingur KÍ
GLÆRUR

 

Ítarefni:

 

 

 

Fræðslufundur fyrir nýja og nýlega trúnaðarmenn var haldið 7. október 2015 á Grand hótel, Reykjavík.

Trúnaðarmannafræðsla KÍ 2015 var hugsuð fyrir þann hóp trúnaðarmanna sem byrjaði í trúnaðarmannsstarfinu frá og með upphafi skólaársins 2014 þar til námskeiðið var haldið. Þeir sem höfðu verið trúnaðarmenn í lengri tíma var boðin þátttaka ef þeir töldu sig hafa þörf fyrir þessa fræðslu.

  • Markmið: Að efla trúnaðarmenn í störfum sínum og þekkingu á réttinda- og hagsmunamálum félagsmanna KÍ.
  • Fyrirkomulag: Áhersla á hagnýtt efni, hópastarf um raunhæf verkefni, umræður og fyrirspurnir.
     

DAGSKRÁ:

09:00 - 09:30    Mæting, morgunhressing og setning.

09.30 - 10:40    Ráðningarmál, svo sem ráðningar, áminningar, uppsagnir, samspil starfsloka og veikinda. Hlutverk trúnaðarmanna varðandi ráðningarmál á vinnustöðum.
                            Anna Rós Sigmundsdóttir, lögfræðingur KÍ (glærur). Verkefni og ítarefni.  
                            Ingibjörg Úlfarsdóttir, sérfræðingur KÍ í kjara- og réttindamálum (glærur).
10:40 - 10:55    Kaffihlé.
10:55 - 12:15    Hópastarf um raunhæf verkefni, umræður og fyrirspurnir.
12:15 - 13:00    Hádegismatur.
13:00 - 14:30    Fagmennska trúnaðarmanna. Siðareglur og samskipti.
                            Aðalheiður Steingrímsdóttir, varaformaður KÍ (glærur),
                            Anna María Gunnarsdóttir, formaður skólamálanefndar Félags framhaldsskólakennara (glærur)
                            Hafdís D. Guðmundsdóttir, sérfræðingur KÍ í jafnréttis- og vinnuumhverfismálum (glærur - ítarefni: sjá fyrir neðan). Verkefni.
14:30 - 14:45    Kaffihlé.
14:45 - 16:00    Hópastarf um raunhæf verkefni, umræður og fyrirspurnir.
16:00                  Fundarlok. 
 
Upptökur af einstökum erindum:
  • Ráðningarmál

    Anna Rós Sigmundsdóttir, lögfræðingur KÍ
  •  
  • Ráðningarmál

    Ingibjörg Úlfarsdóttir, sérfræðingur KÍ
  •  
  • Hópastarf um raunhæf verkefni

  •  
  • Fagmennska trúnaðarmanna. Siðareglur og samskipti

    Aðalheiður Steingrímsdóttir, varaformaður KÍ
  •  
  • Rafræn samskipti

    Anna María Guðmundsdóttir, form. skólamálan. FF
  •  
  • Ofbeldi, hótanir og áreitni

    Hafdís Dögg Guðmundsdóttir, sérfræðingur KÍ
  •  
  • Umræður í kjölfar hópastarfs

  •  
  • Fyrirspurnir og umræður

  •  

Fræðslunámskeið KÍ fyrir nýja og nýlega trúnaðarmenn fór fram miðvikudaginn 15. október á Grand hóteli Reykjavík og stóð frá kl. 9:30 til 16:30. 

Námskeiðið var ætlað trúnaðarmönnum frá upphafi skólaársins 2014-2015 og þeim sem gerðust trúnaðarmenn á skólaárinu 2013-2014. Þeim sem hafa verið trúnaðarmenn í lengri tíma var einnig boðin þátttaka ef þeir töldu sig hafa þörf fyrir þessa fræðslu.

Aðildarfélög KÍ sjá um fræðslu fyrir trúnaðarmenn um kjarasamninga og starfsemi hvers félags. 

Markmið fræðslunnar var: 

  • Að efla þekkingu trúnaðarmanna á skipulagi og starfsemi KÍ.
  • Að efla þekkingu trúnaðarmanna á réttindum sínum og skyldum.
  • Að styrkja trúnaðarmenn í störfum sínum að hagsmunamálum félagsmanna.

 

DAGSKRÁ
Kl. 09:00 - 09:30 Mæting.
Kl. 09:30 - 09:45 Setning.
Þórður Á. Hjaltested formaður KÍ.
Kl. 09:45 - 10:15 Skipulag og starfsemi KÍ. Anna María Gunnarsdóttir fræðslunefnd KÍ.
Kl. 10:15 - 10:45 Réttindi og skyldur trúnaðarmanna. Aðalheiður Steingrímsdóttir varaformaður KÍ.
Kl. 11:00 - 11:15 Kaffihlé.
Kl. 11:15 - 12:00 Helstu atriði nýrra kjarasamninga aðildarfélaga KÍ. Oddur S. Jakobsson hagfræðingur KÍ.
Kl. 12:15 - 13:00 Hádegismatur.
Kl. 13:00 - 13:45 Helstu álitamál í sambandi við ráðningamál og áminningar í skilningi laga um opinbera starfsmenn. - Áminningarferli. Erna Guðmundsdóttir lögfræðingur KÍ og BHM.
Kl. 13:45 - 14:15 Helstu atriði lífeyrisréttinda. Haukur Hafsteinsson framkvæmdastjóri LSR.
Kl. 14:15 - 14:45 Fæðingarorlof, veikinda- og orlofsréttur. Ingibjörg Úlfarsdóttir sérfræðingur KÍ í kjara- og réttindamálum.
Kl. 15:00 - 15:15 Kaffihlé.
Kl. 15:15 - 15:30 Sjúkrasjóður KÍ, sjúkradagpeningar. María Norðdahl fulltrúi sjóða KÍ.
Kl. 15:30 - 15:45 Virk, starfsendurhæfingarsjóður. Þorsteinn Sveinsson sérfræðingur hjá Virk.
Kl. 15:45 - 16:15 Starfsumhverfi og vinnuvernd. Hafdís D. Guðmundsdóttir sérfræðingur KÍ í vinnuumhverfis- og jafnréttismálum.
Kl. 16:30 Fundarlok.
 

Upptökur af erindum:

  • Setning

    Þórður Árni Hjaltested, formaður KÍ
  •  
  • Skipulag og starfsemi KÍ

    Anna María Gunnarsdóttir, fræðslunefnd KÍ
  •  
  • Réttindi og skyldur trúnaðarmanna

    Aðalheiður Steingrímsdóttir, varaformaður KÍ
  •  
  • Helstu atriði nýrra kjarasamninga aðildarfélaga KÍ

    Oddur S. Jakobsson, hagfræðingur KÍ
  •  
  • Ráðningamál og áminningar

    Erna Guðmundsdóttir, lögfræðingur KÍ og BHM
  •  
  • Helstu atriði lífeyrisréttinda

    Haukur Hafsteinsson, framkvæmdastjóri LSR
  •  
  • Fæðingarorlof, veikinda- og orlofsréttur

    Ingibjörg Úlfarsdóttir, sérfræðingur KÍ 
  •  
  • Kynning á VIRK, starfsendurhæfingarsjóði

    Þorsteinn Sveinsson, sérfræðingur hjá VIRK
  •  

 

 

 

 

 

 

 

 

 

 

 

 

Tengt efni