is / en / dk

 

 

Á Orlofsvef KÍ, undir „Orlofskostir“, er hægt að sjá allar upplýsingar um orlofshús Kennarasambands Íslands. Til þess að bóka og greiða fyrir orlofshús eða athuga hvað er laust þarf félagsmaður að skrá sig inn á Mínar síður með Íslykli eða rafrænum skilríkjum. Hægt er að sækja um Íslykil hér en þar þarf að velja „Smelltu hér til að panta Íslykil“.

Ath. að ef pöntun er ekki greidd innan tveggja klukkustunda þá afbókast hún sjálfkrafa.

Til þess að athuga með laus bókunartímabil eða til að bóka orlofshús þarf að fara inn á bókunardagatalið með því að smella á „laus tímabil“ eftir innskráningu á Mínar síður. Velja þarf landsvæði í felliglugganum „flokkur“ og síðan smella á þann mánuð sem skoða á. Nafn mánaðarins sem verið er að skoða breytist úr svörtum lit í rauðan.

Hér er hægt að nálgast svör við algengum spurningum og reglur Orlofssjóðs KÍ. Hægt er að senda fyrirspurnir á netfangið orlof@ki.is og Ferðablöð Orlofssjóðs má skoða hér.

Punktastöðu er hægt að sjá á Síðan mín á Orlofsvefnum. Sjá leiðbeiningar hér.

 

Vetur 2018 - 2019

 

Opnað er fyrir bókanir í eignum KÍ og endurleiguhúsum veturinn 2018-2019 á eftirfarandi dögum:

29. maí 2018 (þriðjudagur) kl. 18:00 Tímabilið 24. ágúst 2018 - 8. janúar 2019.
11. september 2018 (þriðjudagur) kl. 18:00 Tímabilið 9. janúar 2019 - 7. júní 2019.
     

Reglan „Fyrstur kemur, fyrstur fær“ gildir.
 

VIÐBÓTARBÓKANIR
Allar viðbótarbókanir teljast nýjar bókanir og greiða verður fyrir viðbótarnætur í samræmi við gjaldskrá.
 

PUNKTALAUSIR FÉLAGSMENN MEGA KAUPA PUNKTA
Punktakerfið byggist á því að félagsmenn fá tuttugu og fjóra punkta fyrir hvert unnið ár, eða tvo punkta fyrir hvern mánuð. Við hverja bókun eru mismargir punktar dregnir frá heildarpunktaeign félagsmanns, eða allt frá tveimur punktum fyrir ýmsa afsláttarmiða, til sextíu punkta fyrir bókun á dýrasta stað að sumri.

Heimilt er að kaupa allt að 24 orlofspunkta á ári. Verðgildi hvers punkts er kr. 500 eða kr. 12.000 alls. Senda þarf skriflega beiðni til Orlofssjóðs eða hringja á skrifstofu. Greiða má með millifærslu eða korti.
 

FLUGÁVÍSANAR OG AFSLÁTTARMIÐAR Á HÓTELUM
Félagsmenn geta keypt fjórar flugávísanir hjá Icelandair og/eða WOW air og fjóra hótelmiða á 365 daga fresti með punktafrádrætti.

Félagsmenn geta keypt eftirfarandi án punktafrádráttar: Icelandair afsláttarflugávísanir, gjafabréf hjá Air Iceland Connect og flugmiða innanlands með Flugfélaginu Erni. Þessar ávísanir eru ekki niðurgreiddar af Orlofssjóði heldur njóta félagsmenn þeirra afsláttarkjara sem Orlofssjóður fær.
 

AFSLÁTTARMIÐAR HJÁ ÚRVAL ÚTSÝN OG SUMARFERÐUM
Félagsmenn geta keypt tvö gjafabréf hjá Úrval Útsýn og Sumarferðum sem gilda í allar auglýstar pakkaferðir til 31. desember 2018 nema um páska og jól.
 

PUNKTALAUS LEIGA Í MIÐRI VIKU OG FÖST HELGARLEIGA
Félagsmönnum býðst að leigja orlofseignir á Flúðum og í Kjarnaskógi í miðri viku án punktafrádráttar. Gildir ekki á rauðum dögum. Þessar eignir eru leigðar út í fastri helgarleigu, frá kl. 16:00 á föstudegi til kl. 18:00 á sunnudegi.

 


Afbókanir/reglur

 

REGLUR VEGNA AFBÓKANA
Tilkynna skal allar breytingar og afbókanir skriflega svo fljótt sem auðið er til Orlofssjóðs á netfangið orlof@ki.is. Athugið að þó breyting sé í upphafi tilkynnt símleiðis, verður skrifleg beiðni alltaf að fylgja í kjölfarið.

 

Athygli er vakin á nýjum afbókunarreglum sem tóku gildi 3. apríl 2017:

  • Breytingagjald er 2.500 kr.
  • Sé orlofshúsnæði skilað með meira en tveggja vikna (14 daga) fyrirvara er leigugjald að fullu endurgreitt en skilagjald innheimt. Punktar bakfærðir að fullu.
  • Sé orlofshúsnæði skilað innan 14-8 daga áður en leiga hefst er 75% leigugjalds endurgreitt og punktar bakfærðir að fullu.
  • Sé orlofshúsnæði skilað áður en 7-3 dagar eru í upphaf leigutöku, fæst 25% leigugjaldsins endurgreitt og punktar bakfærðir að fullu.
  • Sé orlofshúsnæði skilað þegar minna en 3 dagar - 72 klst. eru í upphaf leigutöku, þarf að greiða fulla leigu fyrir húsið auk punkta.

Þjónusta sem er keypt samhliða leigu, s.s. leiga á líni eða þrif á orlofseign er alltaf endurgreidd að fullu.

 

SEKTIR

  • Óþrifnaður: 15.000 kr. sekt.
  • Óþrifinn heitur pottur / grill: 5.000 kr. sekt.
  • Óheimil framleiga: 5.000 kr. fyrir hvern sólarhring sem leigutaki (félagsmaður KÍ) leigði húsið og tafarlaus brottvísun.
  • Óheimilar reykingar: 25.000 kr. sekt.
  • Gæludýr þar sem það er ekki heimilt: Brottvísun og 25.000 kr. sekt.
  • Óheimilt tjald/tjaldvagn/hjólhýsi o.s.frv. við hús: 25.000 kr. sekt.
  • Tjón eða skemmdir á húsbúnaði: Ef kostnaður yfir 25.000 kr. þá getur félagsmaður misst rétt til að leigja eignir Orlofssjóðs KÍ næstu 2-5 ár.

Rauðir dagar

Greiða þarf hærri leigu á rauðum dögum en þeir eru eftirfarandi fyrir árið 2017:
 

Mánaðardagur   Tegund Vikudagur
17. júní 2018 þjóðhátíðardagur Íslendinga stórhátíðardagur sunnudagur
6. ágúst 2018 frídagur verslunarmanna stórhátíðardagur mánudagur
24. desember 2018 aðfangadagur stórhátíðardagur mánudagur
25. desember 2018 jóladagur  stórhátíðardagur þriðjudagur
26. desember 2018 annar í jólum  hátíðardagur miðvikudagur
31. desember 2018 gamlársdagur stórhátíðardagur mánudagur
1. janúar 2019 nýársdagur stórhátíðardagur þriðjudagur
18. apríl 2019 skírdagur hátíðardagur fimmtudagur
19. apríl 2019 föstudagurinn langi stórhátíðardagur föstudagur
20. apríl 2019 laugardagur fyrir páska   laugardagur
21. apríl 2019 páskadagur stórhátíðardagur sunnudagur
22. apríl 2019 annar í páskum hátíðardagur mánudagur
25. apríl 2019 sumardagurinn fyrsti hátíðardagur fimmtudagur
1. maí 2019 alþjóðlegur frídagur verkafólks hátíðardagur miðvikudagur
30. maí 2019 uppstigningardagur hátíðardagur fimmtudagur
9. júní 2019 hvítasunnudagur stórhátíðardagur sunnudagur
10. júní 2019 annar í hvítasunnu hátíðardagur mánudagur
17. júní 2019 þjóðhátíðardagur Íslendinga stórhátíðardagur mánudagur
5. ágúst 2019 frídagur verslunarmanna stórhátíðardagur mánudagur
24. desember 2019 aðfangadagur stórhátíðardagur þriðjudagur
25. desember 2019 jóladagur stórhátíðardagur miðvikudagur
26. desember 2019 annar í jólum hátíðardagur fimmtudagur
31. desember 2019 gamlársdagur stórhátíðardagur þriðjudagur
       

 

 
 
 
 
 
 
 
 
 
 
 
 
 
 
 

Tengt efni