is / en / dk

24. október 2019

Byrgjum brunninn, bjargráð og forvarnir er yfirskrift ráðstefnu KÍ um vinnuumhverfismál sem haldin verður á Hótel Natura mánudaginn 4. nóvember. 

Uppselt er á ráðstefnuna en opið er fyrir streymi. Vinsamlega skráið ykkur hér að neðan í streymið.

Aðalfyrirlesari ráðstefnunnar er prófessor Ingibjörg H. Jónsdóttir í Gautaborg sem unnið hefur að viðamiklum rannsóknum á orsökum og afleiðingum streitu. Með ráðstefnunni vill Kennarasambandið leggja áherslu á þau bjargráð og forvarnir sem nýta má til að auka velferð þeirra sem starfa í skólum landsins og varpa ljósi á mikilvægi sálfélagslegs vinnuumhverfis. 

Ráðstefnan verður í streymi og hefur heyrst að nýta eigi hana sem viðburð á starfsdögum kennara víða um land. Einnig munu fyrirlestrarnir verða aðgengilegir á nýjum vef KÍ síðar þannig að sýna má efnið þegar hentar. 

Dagskrá

  • 13:00    Setning Ragnar Þór Pétursson formaður Kennarasambands Íslands
  • 13:05    Streita og streitutengd vandamál. Nýjustu rannsóknir um orsakir, afleiðingar og úrræði. Prófessor Ingibjörg Jónsdóttir, forstöðumaður Institutet för stressmedicin, Gautaborg.
  • 14:20    Kaffihlé
  • 14:45    Tökum þetta á seiglunni - eða hvað? Ingibjörg Loftsdóttir sviðstjóri hjá VIRK
  • 15:15    Að sníða sér stakk eftir vexti, draumavinnuumhverfi leikskólakennara Sigrún Hulda Jónsdóttir leikskólastjóri Heilsuleikskólanum Urðarhóli
  • 15:25    Samvinna, ábyrgð, tillitsemi og traust Leifur Garðarsson skólastjóri Áslandsskóla
  • 15:35    Hlýja, hlustun, hagur - ábyrgð stjórnenda á vinnuumhverfi kennara Lára Stefánsdóttir skólameistari Menntaskólans á Tröllaskaga
  • 15:45    Rými í tíma og rúmi, önnur störf og gæðakennsla Petrea Óskarsdóttir tónlistarkennari í Tónlistarskólanum á Akureyri og Tónlistarskóla Eyjafjarðar
  • 15:55    Lífsgæði, heilsuhegðun og hagnýt bjargráð. Hvernig höldum við hamingju og gleði í krefjandi stöðu? Kristín Linda Jónsdóttir sálfræðingur
  • 16:40    Hundur í óskilum
  • 17:00    Ráðstefnuslit

Skráið ykkur hér. 

 

Tengt efni