is / en / dk

25. Sept. 2018
06. September 2018

Fræðslunefnd Kennarasambands Íslands efnir til fræðslunámskeiðs fyrir nýja og nýlega trúnaðarmenn þriðjudaginn 25. september næstkomandi. Námskeiðið verður haldið á Grand Hótel Reykjavík og stendur frá klukkan 10 til 15.

Markmið námskeiðsins er að efla trúnaðarmenn í störfum sínum og þekkingu þeirra á réttinda- og hagsmunamálum félagsmanna. Athugið að fræðsla KÍ fyrir trúnaðarmenn snýst um sameiginleg réttinda- og hagsmunamál en ekki um kjarasamninga og starfsemi aðildarfélaga KÍ því viðkomandi félag sér um þá fræðslu.

Á námskeiðinu verður fjallað um skipulag og starfsemi KÍ, réttindi og skyldur trúnaðarmanna, ráðningarmál og réttindi, fæðingarorlof, veikindarétt, orlof og fleira.

Námskeiðið verður sent út í streymi, á vefnum Netsamfélagið, og er hægt að fylgjast með því í hvaða nettengdri tölvu sem er. Þeir sem velja þennan kost geta sent fyrirspurnir og ábendingar til fundarstjóra meðan á námskeiðinu stendur.

Trúnaðarmenn eru beðnir um að skrá sig strax á námskeiðið á slóðinni sem finna má hér. Námskeiðsgögn verða aðgengileg á netinu og eru trúnaðarmenn beðnir að hafa með sér fartölvur. Trúnaðarmenn eru beðnir um að gera skólastjórnendum grein fyrir fjarveru vegna námskeiðsins.
 

DAGSKRÁ Dagskrá á PDF
Kl. 09:30-10:00 Mæting, morgunhressing og setning.
Kl. 10:00-10:30 Skipulag og starfsemi KÍ.
Steinunn Inga Óttarsdóttir, fræðslunefnd KÍ.
Kl. 10:30-11:00 Réttindi og skyldur trúnaðarmanna.
Anna María Gunnarsdóttir, fræðslunefnd KÍ.
Kl. 11:00-11:20 Ferlar um einelti, ofbeldi, áreitni.
Sigrún Birna Björnsdóttir, sérfræðingur KÍ í vinnuumhverfis og jafnréttismálum.
Kl. 11:20-11:40 Kynning á sjóðakerfi KÍ.
Ólöf S. Björnsdóttir, þjónustustjóri sjóða KÍ.
Kl. 11:40-12:00 Fræðsla og fræðsluefni á miðlum KÍ.
Arndís Þorgeirsdóttir, sviðstjóri upplýsinga- og kynningasviðs.
Kl. 12:15-13:15 Hádegisverður.
Kl. 13:15-14:15 Fæðingarorlof, veikindaréttur og orlof.
Guðjón Ágúst Gústafsson, þjónustufulltrú á félagssviði KÍ.
Kl. 14:15-14:45 Ráðningarmál og réttindi.
Anna Rós Sigmundsdóttir, lögfræðingur KÍ.
Kl. 15:00 Fundarlok.
   

 

 

Tengt efni