is / en / dk

05. Mars 2018

Rafræn atkvæðagreiðsla í kjöri formanns og stjórnar Félags framhaldsskólakennara hófst klukkan 12 í dag, mánudaginn 5. mars. Atkvæðagreiðslan stendur til klukkan 14:00 næstkomandi föstudag, 9. mars 2018. 

Frambjóðendur til formanns eru Guðmundur Björgvin Gylfason, framhaldsskólakennari í Fjölbrautaskóla Suðurlands, og Guðríður Arnardóttir, formaður Félags framhaldsskólakennara. Kynningarsíða formannskandidata. 

Sjö eru í framboði til stjórnar FF: Baldvin Björgvinsson (FB), Guðjón H. Hauksson (MA), Hanna Björg Vilhjálmsdóttir (BHS), Helga Jóhanna Baldursdóttir (TS), Óli Njáll Ingólfsson (VÍ), Sigrún Lilja Guðbjörnsdóttir (MS), Simon Cramer Larsen (FS). Kynningarsíða framjóðenda til stjórnar.  

Efnt var til opins framboðsfundar í Gerðubergi 22. febrúar síðastliðinn.

 

UM ATKVÆÐAGREIÐSLUNA

Atkvæðagreiðslan fer fram á Mínum síðum á www.ki.is Hægt er að greiða atkvæði í hvaða nettengdri tölvu sem er. Kjósendur þurfa að skrá sig inn á Mínar síður með Íslykli eða Rafrænum skilríkjum. Þeir sem ekki eru komnir með Íslykil geta pantað hann með því að smella á hnappinn Mig vantar Íslykil sem er á innskráningarsíðunni. Þegar komið er inn á Mínar síður sjást tvennar kosningar. 

Kosning til formanns FF 2018 Merktu við þann frambjóðanda sem þú vilt kjósa sem formann FF.
Kosning til stjórnar FF 2018 – Merktu við þá fjóra frambjóðendur sem þú vilt kjósa í stjórn FF.

Smelltu að lokum á flipann Kjósa og þá birtist eftirfarandi texti til að staðfesta að atkvæði hafi verið greitt: Atkvæði þitt hefur verið móttekið.

Ef þú vilt fresta því að greiða atkvæði skaltu smella á: Hætta við kosningu.

Athygli skal vakin á því að samkvæmt starfsreglum kjörstjórnar er einungis er hægt að kjósa 4 í stjórn félagsins, hvorki fleiri né færri. Nánari upplýsingar um atkvæðagreiðsluna eru veittar á skrifstofu KÍ en starfsmaður kjörstjórnar er Fjóla Ósk Gunnarsdóttir, netfang: fjola@ki.is sími: 595 1111.

Kjörstjórn Félags framhaldsskólakennara; Lóa Steinunn Kristjánsdóttir, Halldís Ármannsdóttir og Kristján Kristjánsson. 
 

Tengt efni