is / en / dk

19. Júní 2017

Kolbrún Kolbeinsdóttir, skólastjóri Tæknimenntaskólans, hefur tekið sæti í stjórn Vísindasjóðs FF og FS.

Kolbrún var kjörin í embættið á aðalfundi Félags stjórnenda í framhaldsskólum sem fram fór á Akureyri 8. júní síðastliðinn. Lilja S. Ólafsdóttir, aðstoðarskólameistari Menntaskólans í Borgarfirði, gaf ekki kost á sér til endurkjörs. Stjórn Vísindasjóðsins þakkar Lilju vel unnin störf á umbrotatímum í sögu sjóðsins. 

Stjórn Vísindasjóðs FF og FS skipa auk Kolbrúnar tveir fulltrúar frá Félagi framhaldsskólakennara; þeir Jón Ragnar Ragnarsson og Ólafur Þórisson. Til vara eru Gísli Þór Sigurþórsson, FF, og Dröfn Viðarsdóttir, FS. 

Stjórn Vísindasjóðs FF og FS fundar næst miðvikudaginn 21. júní nk. 

 

Tengt efni