is / en / dk

27. Ágúst 2015

Kennarasambandið vekur athygli á að Borgarholtsskóli býður upp á dreifnám í margmiðlun sem er sérsniðið að þörfum þeirra sem eru í vinnu eða öðru námi. Námið nýtist öllum sem vilja ná tökum á upplýsingatækninni til marksækinnar miðlunar. Ekki síst er námið gagnlegt kennurum, fjölmiðlafólki, myndlistarmönnum, kynningarfulltrúum, starfsmönnum upplýsingamiðstöðva á borð við bókasöfn og þeim sem vinna við upplýsingamiðlun á vegum stofnana, fyrirtækja og félagasamtaka. Fyrir þá sem lokið hafa framhalds- eða háskólanámi er námið vel til þess fallið að auka færni í starfi eða auka starfsmöguleika. Námið er á 4. þrepi sem gerir háskólum mögulegt að meta námið til háskólaeininga (ECTS-eininga) en það er þó alfarið undir viðkomandi háskólastofnun komið. Inntökuskilyrði eru stúdentspróf eða sambærileg menntun. 

Ath. að umsóknarfrestur hefur verið framlengdur til 1. september. 

Nánari upplýsingar um námið má finna hér. 

 
 

Tengt efni