is / en / dk

03. Júlí 2015

NaNO við Menntavísindasvið HÍ hvetur til hópferðar kennara á árlega ráðstefnu Association for Science Education (ASE) sem haldin verður dagana 6. til 9. janúar 2016 í Háskólanum í Birmingham á Bretlandi. Ráðstefnan er fyrir leik-, grunn- og framhaldsskólakennara með fjölbreytt efni sem nýtist í kennslu.

Ráðstefnan er tilvalið tækifæri til starfsþróunar og símenntunar hjá kennurum sem kenna náttúrufræðigreinar. Hún er vettvangur til tengslamyndunar í hópi kennara, bæði innan íslenska hópsins og með erlendum kollegum.

Ferðakostnaður

  • Flug um 25 til 30 þúsund krónur til London og 15 til 30 þúsund krónur fyrir lestarferð til Birmingham (1,5 klst.)
  • Flug um 60 til 75 þúsund krónur til Birmingham (með millilendingu).
  • Ráðstefnugjaldið er 348 pund (rúmlega 70 þúsund krónur). Ráðstefnugjaldið er lægra fyrir ASE-félaga eða 166 pund (um 35 þúsund krónur) og því gæti borgað sig að ganga í samtökin. 
  • Að auki er unnt að fá 15% hópafslátt þegar íslenski hópurinn skráir sig saman. 
  • Snemmskráning er til 23. október 2015. Eftir þann tíma hækkar gjaldið. Ráðstefnugjaldið er því á bilinu 35–80 þúsund krónur eftir því hvaða leið er farin. Kostnaður við gistingu bætist við.
  • Endurmenntunarsjóðir KÍ geta styrkt félaga um ferða-, gisti- og ráðstefnukostnað.

Áhugasamir um þátttöku í hópferð á ASE eru beðnir að hafa samband við Birgi U. Ásgeirsson hjá HÍ – birgira@hi.is fyrir 1. september 2015. 

Vefsíða ráðstefnunnar. 


 

 

Tengt efni