Kennarasamband Íslands

11. jan. 2011

Auglýsing um aðalfund Félags framhaldsskólakennara 2011

Aðalfundur Félags framhaldsskólakennara 2011 verður haldinn á Grand Hótel Reykjavík, fimmtudag og föstudag 17.-18. mars og hefst kl. 13:00.

Skv. 5. grein laga FF er aðalfundur félagsins haldinn þriðja hvert ár og eiga þar sæti með atkvæðisrétti stjórn, samninganefnd, skólamálanefnd, einn fulltrúi frá hverri félagsdeild með allt að 50 félagsmenn og einn fulltrúi til viðbótar fyrir hverja byrjaða 50 félagsmenn deildarinnar umfram þá tölu.

Aðalfundargögnum verður komið fyrir á vef FF.

Skv. 5. grein laga FF þurfa tillögur til umfjöllunar á aðalfundi að berast stjórn félagsins eigi síðar en 4 vikum fyrir aðalfund en tillögur um lagabreytingar með 6 vikna fyrirvara, sbr. 20. grein laga félagsins.

Aðalfundur er opinn öllum félagsmönnum.

Á dagskrá aðalfundarins skulu a.m.k. vera þessir liðir skv. 6. grein laga FF:

1. Skýrsla stjórnar
2. Ársreikningur félagsins
3. Stjórnarskipti
4. Lagabreytingar
5. Kosning stjórnarmanna Kennarasambands Íslands
6. Kosning tveggja skoðunarmanna reikninga og eins til vara
7. Kosning fulltrúa í samninganefnd
8. Kosning formanns skólamálanefndar
9. Kosning formanns og eins fulltrúa í stjórn vísindasjóðs
10. Kosning kjörstjórnar
11. Kosning uppstillingarnefndar og í önnur trúnaðarstörf sem aðalfundur ákveður
12. Fjárhagsáætlun fyrir næsta kjörtímabil
13. Önnur mál

Reykjavík 10. janúar 2011

F.h. stjórnar Félags framhaldsskólakennara
Aðalheiður Steingrímsdóttir