is / en / dk

Almenna reglan er sú að starfsmaður á ekki að bera kostnað af ferðalögum á vegum vinnuveitanda.

Dagpeningar vegna ferðalaga á vegum vinnuveitanda

Ferðakostnaður vegna ferðalaga erlendis, á vegum vinnuveitanda, greiðist með dagpeningum sem eru ákveðnir af Ferðakostnaðarnefnd ríkisins. Kostnaður vegna ferðalaga innanlands skal greiða eftir reikningi en dagpeninga ef um það er samið eða ekki er hægt að leggja fram reikninga. Upplýsingar um upphæð dagpeninga vegna ferða erlendis og innanlands eru uppfærðar reglulega og birtar á vef fjármálaráðuneytisins en upplýsingar um SDR gengi má finna á vef Seðlabanka Íslands.

Akstursgjald

Ferðakostnaðarnefnd ríkisins ákvarðar einnig um upphæðir og útfærslu akstursgjalds. Akstursgjaldinu er skipt í þrjá flokka og fer gjaldið lækkandi eftir því sem meira er ekið. Gjaldið er hæst fyrir akstur upp að 10.000 kílómetrum, nokkru lægra á 10.000-20.000 kílómetra bilinu og lægst fyrir akstur umfram 20.000 kílómetra á ári. Upplýsingar um kílómetragjald eru uppfærðar reglulega og birtar á vef fjármálaráðuneytisins.

 

Reglur og skattmat á dagpeningum og akstursgjaldi

Leyfilegur frádráttur á móti dagpeningum og akstursgjaldi, samkvæmt skattamati ríkisskattstjóra, þarf ekki að vera sama fjárhæð og Ferðakostnaðarnefnd ríkisins ákvarðar. Sé leyfilegur frádráttur lægri ber að skila staðgreiðslu af mismuninum. Sjá nánar upplýsingar á vef ríkisskattstjóra um skattamat vegna dapeninga og akstursgreiðslna.

 

 

Tengt efni