Íþrótta- og heilsufræðifélag Íslands
19. September 2017

Endurmenntun Háskóla Íslands heldur málþing í samvinnu við Embætti landlæknis og menntavísindasvið Háskóla Íslands um vellíðan og heilsueflandi samfélag í tilefni af komu hins heimsþekkta fræðimanns Richard Ryan til Íslands en hann er talinn vera einn af áhrifamestu sálfræðingum okkar tíma.

Málþingið verður haldið í hátíðarsal Háskóla Íslands, föstudaginn 22. september kl. 12:30-16

Dr. Richard Ryan er annar upphafsmaður svokallaðra sjálfsákvörðunarkenninga eða Self-determination theories (SDT), sem eru kenningar um áhugahvöt (e. motivation) og vellíðan (e. well-being). Fræðimenn um allan heim hafa beitt kenningunum í rannsóknum sínum á ýmsum sviðum félagsvísinda; svo sem uppeldis og menntunar, heilsueflingar, þjálfunar og stjórnunar svo eitthvað sé nefnt, sjá nánar á http://selfdeterminationtheory.org/

Á málþinginu verður fjallað um hvernig grundvallarþættir kenningarinnar, sjálfræði, hæfni og tengsl stuðla að velgengni og vellíðan. Farið verður yfir það hvernig skólinn, heilbrigðiskerfið og samfélagið getur stutt okkur í því að efla heilsu og bæta líðan. Einnig verður fjallað um af hverju það er farsælt að vinna með áhugahvöt fólks til að styðja það í að ná markmiðum sínum, hvort sem er til að læra nýja færni, breyta hegðun til að bæta heilsu eða almennt til að njóta lífsins betur.

Það væri því frábært að sjá sem flesta á þessu málþingi. Þáttökugjald er 4000 kr.
Skráning og frekari upplýsingar:
https://www.endurmenntun.is/namskeid/stakt-namskeid?courseID=354H17&n=upphafsmadur-iself-determination-theories-i-richard-ryan-a-malthingi-um-vellidan-og-heilsueflandi-samfelag&fl=jakvaed-salfraedi

Dagskrá:

12:30 Ávarp

12:45-13:45 Hvernig geta sjálfsákvörðunarkenningar stutt okkar í að efla heilsu og bæta líðan í samfélaginu?
Dr. Richard Ryan SDT

14-14:30 Sjálfsábyrgð, sjálfsþekking og farsæld -hagnýtar leiðir í markþjálfun og skólastarfi-
Dr. Ingibjörg Vala Kaldalóns, lektor við menntavísindasvið HÍ

14:30-15 Hvernig get ég aðstoðað þig?
- sjálfsákvarðanakenningar til grundvallar áhugahvetjandi samtali til að breyta hegðun og efla heilsu
Dr. Sveinbjörn Kristjánsson, sérfræðingur í hegðunarbreytingum hjá Embætti landlæknis

15:30-16 Heilsueflandi samfélag og sjálfsákvörðunarkenningar
- Hvernig sköpum við aðstæður sem hvetja fólk til að velja holla valið til aukinnar vellíðanar?
Dr. Dóra Guðrún Guðmundsdóttir, sviðstjóri áhrifaþátta heilbrigðis hjá Embætti landlæknis og kennslustjóri diplómanáms í jákvæðri sálfræði