is / en / dk

24. Ágúst 2018

 

Blásið hefur verið til Smásagnasamkeppni KÍ og Heimilis og skóla fjórða haustið í röð. Tilefni smásagnasamkeppninnar er Alþjóðadagur kennara, eða kennaradagurinn, sem haldinn er hátíðlegur hérlendis og um veröld alla 5. október. Þátttaka hefur farið fram úr vonum síðustu þrjú og ljóst að áhugi á skáldskap er til staðar í skólum landsins. 

Keppt er í fimm flokkum: 

  • leikskólinn
  • grunnskólinn 1. – 4. bekkur
  • grunnskólinn 5. – 7. bekkur*
  • grunnskólinn 8. – 10. bekkur
  • framhaldsskólinn

Þema keppninnar hefur undanfarin ár verið kennarinn en í ár ætlum við að víkka þemað út. Við leggjum til að skólinn (eða skóladagurinn minn) verði þema keppninnar en að sjálfsögðu hafa þátttakendur afar frjáls efnistök.  

Dómnefnd skipa Kristín Ómarsdóttir skáld, Kristján Jóhann Jónsson, lektor við Menntavísindasvið HÍ, og Bryndís Jónsdóttir, verkefnastjóri hjá Heimili og skóla. 

Verðlaun fyrir bestu sögurnar verða veitt við hátíðlega athöfn á Alþjóðadegi kennara 5. október. Verðlaunahafar fá vandaða lestölvu frá Kobo sem les allar gerðir rafbóka.

Skilafrestur er til miðnættis 20. september og ber að skila handritum á netfangið smasaga@ki.is
 

Eftirfarandi þarf að hafa í huga: 

  • Sagan má ekki hafa birst opinberlega og ekki vera lengri en 3.000 orð. 
  • Skila á sögum sem viðhengi í textaformati, til dæmis word-útgáfu (ekki pdf). 
  • Sagan á að vera á íslensku

Upplýsingar um höfund:

  • Nafn
  • Bekkur
  • Skóli
  • Tengiliður
  • Heimilisfang og sími

Gætt verður fyllstu nafnleyndar á meðan dómnefnd fer yfir sögurnar. Verðlaunasögurnar verða birtar í prentútgáfu Skólavörðunnar sem kemur út í nóvember. 

Smásagnasamkeppnin er samvinnuverkefni Kennarasambands Íslands og Heimilis og skóla. 


Fréttir af keppninni frá fyrri árum:

Smásagnahöfundar verðlaunaðir á Alþjóðadegi kennara (5. október 2017)

KÍ verðlaunar smásagnahöfunda á Alþjóðadegi kennara (5. október 2016)

Úrslit í smásagnasamkeppninni gerð kunn (5. október 2015)

 


 

 

 

 

Tengt efni