is / en / dk

22. Ágúst 2017

 

Blásið hefur verið til Smásagnasamkeppni KÍ, Heimilis og skóla og Samtaka móðurmálskennara þriðja haustið í röð. Tilefni smásagnasamkeppninnar er Alþjóðadagur kennara, eða kennaradagurinn, sem haldinn er hátíðlegur hérlendis og um veröld alla 5. október. Þátttaka hefur farið fram úr vonum síðustu tvö árin og ljóst að áhugi á skáldskap er til staðar í skólum landsins. 

Keppt er í fimm flokkum: 

  • leikskólinn
  • grunnskólinn 1. – 4. bekkur
  • grunnskólinn 5. – 7. bekkur
  • grunnskólinn 8. – 10. bekkur
  • framhaldsskólinn

Þema keppninnar er Kennarinn en að sjálfsögðu hafa þátttakendur frjálsar hendur með efnistök. 

Verðlaun fyrir bestu sögurnar verða veitt við hátíðlega athöfn á Skólamálaþingi KÍ sem fram fer í Hörpu á kennaradeginum 5. október. Dómnefnd skipa Kristín Ómarsdóttir skáld, Kristján Jóhann Jónsson, dósent á Menntavísindasviði HÍ, og Bryndís Jónsdóttir, fyrir hönd Heimilis og skóla. Verðlaunahafar fá lestölvu. 

Skilafrestur er til miðnættis 17. september og ber að skila handritum á netfangið smasaga@ki.is

Eftirfarandi þarf að hafa í huga: 

  • Sagan má ekki hafa birst opinberlega og ekki vera lengri en 3.000 orð. 
  • Skila á sögum sem viðhengi í textaformati (ekki pdf). 

Upplýsingar um höfund:

  • Nafn
  • Bekkur
  • Skóli
  • Tengiliður
  • Heimilisfang og sími

Gætt verður fyllstu nafnleyndar á meðan dómnefnd fer yfir sögurnar. Verðlaunasögurnar verða birtar í prentútgáfu Skólavörðunnar sem kemur út í nóvember. 

Smásagnasamkeppnin er samvinnuverkefni Kennarasambands Íslands, Heimilis og skóla og Samtaka móðurmálskennara. 

 

 

Tengt efni