is / en / dk


Aðalfundur Félags kennara og stjórnenda í tónlistarskólum (FT) verður haldinn laugardaginn 10. nóvember 2018 frá kl. 13:00 til 15:30 á Grand Hótel Reykjavík.

Á aðalfundi eiga sæti stjórn og varastjórn, stjórn fagráðs tónlistarskóla, samninganefnd, fulltrúar félagsins í öðrum nefndum og ráðum á vegum KÍ og einn fulltrúi fyrir hverja 50 félagsmenn. Félaginu ber að standa straum af ferða- og gistikostnaði þeirra sem eiga sæti á aðalfundi skv. lögum félagsins. Fundurinn er að sjálfsögðu opinn öllum félagsmönnum og allir fundarmenn hafa jafnan atkvæðisrétt. Tillögur til umfjöllunar á aðalfundi þurfa að berast stjórn félagsins eigi síðar en fjórum vikum fyrir aðalfund.

 

DAGSKRÁ
kL. 13:00 Setning.
Sigrún Grendal, formaður FT.
 
  • Kosning starfsmanna fundarins.
  • Skýrsla stjórnar.
  • Ársreikningar félagsins.
  • Lagabreytingar.
  • Kosning nýrrar stjórnar.
  • Kosning tveggja skoðunarmanna reikninga og eins til vara.
  • Kosning þriggja fulltrúa í samninganefnd (sbr. 16. gr.).
  • Önnur mál.
  • Stjórnarskipti.
  Kaffi og með því.
 

Sérstakt umræðuefni á aðalfundi FT 2018.

Á aðalfundinum verður boðið upp á sérstaka umfjöllun um þróunarverkefni á vegum Listaháskóla Íslands (LHÍ) sem m.a. er ætlað að mæta menntunarþörf þeirra tónlistarkennara sem hafa mikla reynslu og færni af vettvangi en skortir formlega kennslufræðilega menntun.

Þróunarverkefni Listaháskóla Íslands; tónlistardeild og listkennsludeild.

Markmið verkefnis er:

  • Að auka framboð á starfstengdu námi á háskólastigi, diplóma.
  • Að mæta menntunarþörf tónlistarskólakennara sem hafa mikla reynslu og færni af vettvangi en skortir formlega kennslufræðilega menntun.
  • Stefnt er að: þróun námsleiðar fyrir starfandi kennara, diplómanám á BA stigi.
  • Unnið er að: þróun raunfærnimats og hæfnigreiningar; hvaða hæfni þarf tónlistarskólakennari að búa yfir?

Eftir kynningu Elínar Önnu Ísaksdóttur, fagstjóra og verkefnastjóra í tónlistardeild LHÍ verður boðið upp á opnar umræður um málefnið.

Kl. 15:30 Aðalfundarslit.
   

Vinsamlegast tilkynnið þátttöku fyrir miðvikudaginn 7. nóvember til skrifstofu félagsins á netfangið sigrun@ki.is eða í síma 595-1111.

 

 

Tengt efni