is / en / dk

 

Starfsáætlunin á við um stjórn FSL, samninganefnd, skólamálanefnd og samráðsnefnd.
 

SKÓLAMÁL

  • Stjórn í samráði við skólamálanefnd skal bera ábyrgð á því að koma skólastefnu KÍ á framfæri.
  • Stjórn í samráði við skólamálanefnd skal viðhalda umræðu um fagmennsku og gæði leikskólastarfs með hag nemenda að leiðarljósi.
  • Stjórn í samráði við skólamálanefnd skal eiga samvinnu við mennta og menningamálaráðuneytið og gera sig gildandi umsagnaraðila um lög og reglugerðir og önnur mál.
  • Stjórn og skólamálanefnd skal í samvinnu við stjórn og skólamálanefnd FL beita sér fyrir því að framtíðarsýn FSL, FL og SNS verði komið á framfæri.
  • Stjórn í samráði við skólamálanefnd skal eiga samvinnu við RannUng og fylgjast með og styðja við rannsóknir á leikskólastarfi.
  • Stjórn í samráði við skólamálanefnd skal eiga samvinnu við þær stofnanir sem mennta leikskólakennara ekki síst á sviði vettvangsnáms.
  • Stjórn í samráði við skólamálanefnd skal eiga samvinnu við SÍ um starfsþróunartilboð fyrir félagsmenn.
  • Stjórn í samráði við skólamálanefnd skal standa fyrir námstefnu á hverju ári.
  • Formaður skólamálanefndar FSL vinni í samráði við skólamálanefnd og stjórn að sameiginlegum verkefnum á vettvangi KÍ.
  • Skólamálanefnd skal endurskoða skólastefnu KÍ eftir þörfum hverju sinni og leggja tillögur fyrir þing KÍ í samráði við stjórn FSL.
     

FÉLAGSMÁL

  • Stjórn, samráðsnefnd, skólamálanefnd og samninganefnd skulu alltaf stuðla að jákvæðri og áhugaverðri umræðu um leikskólastarf með það að markmiði að styrkja sjálfsmynd, innviði og ímynd stéttarinnar.
  • Stjórn og nefndir FSL skulu viðhalda góðu samstarfi við FL í hvívetna.
  • Stjórn skal styðja við aðalmenn samráðsnefndar til þess að viðhalda félagsstarfi á svæðum.
  • Stjórn beiti sér fyrir því markmiði að fjölga leikskólakennurum af báðum kynjum.
  • Stjórn ásamt samráðsnefnd heldur áfram að vinna að því að efla tengsl, samstarf og samstöðu við önnur kennarafélög á svæðum og innan KÍ.
     

KJARAMÁL

  • Stjórn og samninganefnd þrýstir á og hefur frumkvæði eftir því sem við á um aðgerðaráætlun með gildandi kjarasamningi.
  • Stjórn og samninganefnd gengur til kjarasamninga með kröfugerð byggða á vilja félagsmanna og faglegum og kjaralegum forsendum.
  • Stjórn og samninganefnd hefur frumkvæði að því að kanna starfsumhverfi félagsmanna með tilliti til áherslna í kjarasamningum.
  • Stjórn og samninganefnd hefur frumkvæði að því að kanna launasetningu félagsmanna með tilliti til reynslu og menntunar.

 

Tengt efni