Eftir mánuðum
29. apr. 2011
Takið virkan þátt í hátíðarhöldunum 1. maí
Kennarasamband Íslands hvetur félagsmenn sína um land allt til að taka þátt í kröfugöngum og baráttufundum 1. maí. Kröfugangan í Reykjavík leggur af stað frá horni Snorrabrautar og Laugavegar kl. 13:30. Lúðrasveit verkalýðsins og Lúðrasveitin Svanur leika fyrir göngunni. Gengið verður niður Laugaveg, Bankastræti, Austurstræti að Austurvelli. Útifundur hefst þar kl. 14:10. Yfirskrift sameiginlegs 1. maí ávarps Fulltrúaráðs verkalýðsfélaganna í Reykjavík, BSRB, Bandalags háskólamanna, Kennarasambands Íslands og Sambands íslenskra framhaldsskólanema er „Aukum atvinnu - bætum kjörin“.Lesa meira
29. apr. 2011
„Tónlistin og lífið“ í Hörpu 7. maí
Í tilefni af opnun Tónlistar- og ráðstefnuhússins Hörpu verður haldin ráðstefna undir yfirskriftinni „Tónlistin og lífið“ laugardaginn 7. maí kl. 13:00-17:00 í salnum Kaldalóni í Hörpu. Við þessi tímamót þykir við hæfi að halda á lofti merki tónlistar sem hornsteins í íslenskri menningu.Lesa meira
28. apr. 2011
Athyglisverð erindi nú aðgengileg á Netinu
Þrjú athyglisverð erindi sem flutt voru á 5. þingi KÍ dagana 6. til 8. apríl sl. eru nú aðgengileg á vef Kennarasambandsins. Um er að ræða fyrirlestur Peters Mortimore „The dilemmas and challenges of education today“ og ávörp Katrínar Jakobsdóttur mennta- og menningarmálaráðherra og Fred van Leeuwen framkvæmdastjóra Alþjóðasambands kennara.Lesa meira
26. apr. 2011
Málþing um stærðfræðimenntun ungra barna
Málþing um stærðfræðimenntun ungra barna á vegum Rannsóknarstofu í menntunarfræðum ungra barna (RannUng) og Rannsóknarstofu í stærðfræðimenntun verður haldið 28. apríl í húsnæði Menntavísindasviðs Háskóla Íslands við Stakkahlíð. Meðal fyrirlesara er Dr. Bob Perry, prófessor við Charles Sturt University, New South Wales í Ástralíu sem flytur fyrirlesturinn Young children and their teachers become powerful mathematicians through inquiry, reflection and documentation: Thoughts from Australia.Lesa meira
26. apr. 2011
Tilkynning frá Verkefna- og námsstyrkjasjóði - Vonarsjóði
Af gefnu tilefni vill stjórn Vonarsjóðs koma eftirfarandi á framfæri. Þeir félagsmenn SÍ og FG sem hafa fengið úthlutað hópstyrkjum í ferðir á vegum félaganna hafa álitið að sú úthlutun komi ekki í veg fyrir að þeir geti notið hópstyrks, fari þeir í hópferð með skólum sem þeir starfa við, þó ekki hafi liðið að jafnaði þrjú ár milli ferða.Lesa meira
22. apr. 2011
Námskeið um meðferð og túlkun á niðurstöðum PISA
Þann 11. maí nk. verður haldið námskeið um meðferð og túlkun á niðurstöðum PISA.Lesa meira
22. apr. 2011
Ráðstefna um menntamál: Skólaþróun í Evrópu
Föstudaginn 29. apríl nk. verður haldin ráðstefna um menntamál undir heitinu Skólaþróun í Evrópu.Lesa meira
21. apr. 2011
Opinn umræðufundur um PISA 2009 þriðjudaginn 26. apríl
Þriðjudaginn 26. apríl 2011 kl. 14:00-16:00 verður opinn umræðufundur um PISA 2009 í sal Námsmatsstofnunar, Borgartúni 7A. Þetta er fjórði fundur vetrarins um niðurstöður PISA rannsóknarinnar. Fundurinn er opinn öllu áhugafólki um grunnmenntun og grunnskóla. Efni og upptökur af fyrri fundum er aðgengilegt á heimasíðu Námsmatsstofnunar.Lesa meira
18. apr. 2011
Tilkynning frá 1. deild Félags leikskólakennara
Þriðjudaginn 19. apríl verða tillögur Menntaráðs um sameiningar leikskóla teknar fyrir í borgarstjórn og lagðar fram til samþykktar. Af því tilefni viljum við hvetja alla félagsmenn til að fjölmenna niður í Ráðhús Reykjavíkur og sýna meirihlutanum að okkur stendur ekki á sama um skólamál í borginni. Við sitjum ekki aðgerðarlaus hjá meðan verið er að kollvarpa leikskólum borgarinnar og starfi þeirra.Lesa meira
15. apr. 2011
Stjórn FL fordæmir vinnubrögð og mótmælir sameiningaráformum í Reykjavík
Stjórn Félags leikskólakennara fordæmir þau vinnubrögð sem viðhöfð hafa verið við greiningu tækifæra til samrekstrar og/eða sameiningar leikskóla, grunnskóla og frístundaheimila í Reykjavík. Þessi vinnubrögð hafa valdið gríðarlegu álagi og óvissu hjá nemendum, foreldrum, skólastjórnendum, kennurum og öðru starfsfólki leikskólanna í borginni sem ekki sér fyrir endann á. Þá harmar stjórn félagsins að meirihluti Menntaráðs skuli ekki taka mark á varnaðarorðum Menntamálaráðherra og umsögnum fagfólks, m.a. frá Kennarasambandi Íslands og Menntavísindasiði Háskóla Íslands. Í umsögn Menntaráðs kemur til að mynda fram mikil vanþekking á faglegu hlutverki leikskólastjóra.Lesa meira
15. apr. 2011
Gjafabréf í flug
Orlofssjóður verður því miður að tilkynna að gjafabréf í flug hafa hækkað. Orlofssjóður niðurgreiðir áfram með sömu upphæð en söluverð gjafabréfanna frá Icelandair og Iceland Express hafa hækkað.Lesa meira
15. apr. 2011
Fullt jafnrétti til náms óháð efnahag
Á 5. þingi Kennarasambands Íslands var mörkuð stefna sambandsins í skólamálum fyrir kjörtímabilið 2011-2014 sem tekur til skólastiganna þriggja, leik-, grunn- og framhaldsskóla, svo og tónlistarskóla. Í fyrsta kafla skólastefnunnar sem ber yfirskriftina skólastarf og menntun segir að skólaganga, uppeldi og menntun nemenda sé víðtækt samvinnuverkefni í þjóðfélaginu. Efna þurfi á öllum skólastigum markmið laga um skóla fyrir alla, jafnan rétt til skólagöngu og menntunar sem tekur mið af þörfum einstaklingsins jafnt sem heildarinnar. Ennfremur er lögð áhersla á fullt jafnrétti til náms óháð efnahag. Bent er á að á Íslandi þurfi enn að greiða umtalsverðar fjárhæðir fyrir skóladvöl barna og unglinga. Þessi kostnaður fáist aðeins að óverulegu leyti bættur gegnum skattakerfi eða aðrar opinberar ráðstafanir. KÍ leggur áherslu á að gjaldtöku verði lágmörkuð.Lesa meira
14. apr. 2011
Ályktun um tungumálakennslu frá aðalfundi Samtaka tungumálakennara, STÍL
Á aðalfundi Samtaka tungumálakennara, STÍL, sem haldinn var 8. apríl, var rætt um þá miklu óvissu sem nú ríkir um framtíð kennslu þriðja máls og dönsku í framhaldsskólum. Létu fundarmenn í ljós miklar áhyggjur yfir stöðunni, þar sem þeir óttast að hún muni leiða til hnignunar tungumálakunnáttu með ófyrirsjáanlegum afleiðingum fyrir íslenskt þjóðfélag. Á fundinum var samþykkt meðfylgjandi ályktun og óskað eftir að hún yrði send yfirvöldum menntamála.Lesa meira
14. apr. 2011
Vilt þú taka þátt í Menntakviku 2011?
Hér með er kallað eftir ágripum að erindum fyrir Menntakviku: rannsóknir, nýbreytni og þróun, ráðstefnu í menntavísindum sem haldin verður föstudaginn 30. september 2011 við Menntavísindasvið Háskóla Íslands. Ráðstefnunni er ætlað að kynna og miðla því sem efst er á baugi í rannsóknum og þróun í menntavísindum á Íslandi og tengdum efnum. Áhugasömum fræðimönnum og sérfræðingum á sviði menntavísinda og öðrum fræðasviðum sem hafa tengingu við sviðið, er boðið að senda inn 200 orða ágrip fyrir 15. maí 2011. Ágrip þarf að innihalda stutta lýsingu á markmiði rannsóknar eða þróunarverkefnis, aðferðum og helstu niðurstöðum eða lærdómi.Lesa meira
13. apr. 2011
Krafa gerð um tafarlausa samninga
Í sérstakri samþykkt 5. þings KÍ um stöðu samningamála er lýst yfir megnri óánægju með stöðu samningamála aðildarfélaga KÍ. Bent er á að brátt eru liðin tvö ár frá því samningar um 80% félagsmanna runnu út. Hér er um að ræða félagsmenn í leikskólum, grunnskólum og tónlistarskólum með samninga við sveitarfélögin. Félagsmenn KÍ í framhaldsskólum hafa einnig verið samningslausir við ríkið svo mánuðum skiptir. Krefst þingið þess að þegar í stað verði hafist handa við raunverulega kjarasamningagerð og að gengið verði frá kjarasamningum án frekari tafa. Ennfremur var á þinginu gerð almenn samþykkt um kjara- og réttindamál félagsmanna Kennarasambandsins þar sem áhersla er lögð á að kennarastarfið sé metið að verðleikum.Lesa meira
12. apr. 2011
Samþykktir og glærur frá 5. þingi KÍ
Glærur frá erindi Peters Mortimore fyrrverandi forstöðumanns Menntavísindasviðs Háskólans í London eru komnar inn á vefinn undir Samþykktir frá 5. þingi KÍ. Þar verða einnig settar samþykktir frá þinginu og þegar upptökur erinda verða tilbúnar verður hægt að nálgast þær þar.Lesa meira
12. apr. 2011
Laun kennara standist samanburð við laun annarra sérfræðinga
Í kjaramálastefnu 5. þings Kennarasambands Íslands 2011 - 2014 er lögð áhersla á að laun og starfskjör félagsmanna sambandsins verði flokkuð með störfum annarra sérfræðinga og laun þeirra standist ávallt samanburð við kjör annarra stjórnenda á vinnumarkaði. Samkvæmt tölum Hagstofu Íslands voru regluleg laun fullvinnandi sérfræðinga á almennum vinnumarkaði að meðaltali 557 þús. kr. á mánuði árið 2009 en heildarlaun þeirra voru að meðaltali 604 þús. kr. Mikið vantar á að kennarar og námsráðgjafar í leikskólum, grunnskólum, framhaldsskólum og tónlistaskólum standist samanburð við laun sérfræðinga á almennum vinnumarkaði.Lesa meira
11. apr. 2011
Til kennara í grunnskólum Reykjavíkur
Aðalfundur Kennarafélags Reykjavíkur verður haldinn á Hótel Loftleiðum föstudaginn 29. apríl 2011 kl. 19:30.Lesa meira
6. apr. 2011
„Ný staða - ný vinnubrögð. Rannsókn á viðbrögðum stjórnvalda í Finnlandi við kreppunni 1991“
Margt bendir til þess að hægt sé nýta reynsluna í dreifstýrðu menntakerfi Finna hér á land. Finnar sýndu fram á að hægt var að ná fram samfélagslegum ávinningi og á sama tíma auka gæði og nýsköpun í kennslu. Þetta er meðal þess sem fram kemur í nýrri skýrslu sem Capacent hefur unnið fyrir Kennarasambandið um viðbrögð Finna í kreppunni 1991.Lesa meira
6. apr. 2011
Lágmarksþjónusta meðan á þingi stendur
Miklar annir verða hjá starfsfólki Kennarahússins meðan á 5. þingi KÍ stendur, dagana 6. - 8. apríl. Af þeim sökum verður aðeins veitt lágmarksþjónusta á skrifstofum sambandsins þingdagana. Skrifstofur KÍ og aðildarfélaga verða alveg lokaðar frá kl. 12 miðvikudaginn 6. apríl og milli kl. 9 og 13 fimmtudaginn 7. apríl. Afgreiðsla KÍ verður opin föstudaginn 8. apríl.Lesa meira
6. apr. 2011
Beinar útsendingar frá 5. þingi KÍ
Það sem gerist á þingi Kennarasambandsins kemur öllum félagsmönnum við, ekki aðeins þeim sem þingið sitja. Til þess að aðrir félagsmenn en þingfulltrúar geti fylgst með helstu atriðum þess hefur verið ákveðið að sjónvarpa beint frá þinginu í gegnum heimasíðu. Eina sem þarf að gera er að smella á dagsetningarnar fyrir hvert rennsli.Lesa meira
6. apr. 2011
Alþjóðleg ráðstefna 29. apríl nk.
Föstudaginn 29. apríl n.k. mun Mentor ásamt Rannsóknarstofu um þróun skólastarfs standa fyrir alþjóðlegri ráðstefnu. Við fáum til okkar frábæra fyrirlesara frá fjórum löndum sem allir eru sérfræðingar í málefnum skóla. Þetta er einstakt tækifæri til að kynnast því nýjasta sem er að gerast í fræðum og þróun skólamála í Evrópu. Ráðstefnan verður haldin á Menntavísindasviði Háskóla Íslands við Stakkahlíð og stendur frá kl. 9-16. Ráðstefnugjald er 11.900 ef skráð er fyrir 15.apríl en 14.900 ef skráð er eftir þann tíma.Lesa meira
6. apr. 2011
Frambjóðendur til trúnaðarstarfa
Á 5. þingi KÍ verður kosið til ýmissa trúnaðarstarfa á vegum sambandsins næsta kjörtímabil. Upplýsingar um frambjóðendur hafa nú verið settar inn á síðuna „5. þing KÍ“.Lesa meira
5. apr. 2011
Haraldur F Gíslason verður næsti formaður Félags leikskólakennara
Lokið er allsherjaratkvæðagreiðslu í formanns- og stjórnarkjöri Félags leikskólakennara fyrir kjörtímabilið 2011 - 2014. Tveir voru í framboði til formanns, núverandi formaður Marta Dögg Sigurðardóttir og Haraldur F. Gíslason deildarstjóri leikskólanum Hörðuvöllum í Hafnarfirði. Á kjörskrá voru 2007 félagsmenn og tóku 1001 þátt eða 49,9% félagsmanna. Haraldur fékk 507 atkvæði og Marta Dögg 484 atkvæði.Lesa meira
5. apr. 2011
Stjórnarkjöri í Félagi stjórnenda leikskóla lokið
Lokið er allsherjaratkvæðagreiðslu í stjórnarkjöri Félags stjórnenda leikskóla fyrir kjörtímabilið 2011 - 2014. Ingibjörg Kristleifsdóttir núverandi formaður var sjálfkjörin.Lesa meira
5. apr. 2011
Nám samhliða starfi fyrir félaga í KÍ í framhaldsskólum
Skólaárið 2011- 2012 býður Samstarfsnefnd um endurmenntun framhaldsskólakennara upp á vettvangsnám fyrir stjórnendur í framhaldsskólum, fyrir samfélaggreinakennara og fyrir kennara á starfsbrautum í framhaldsskólum. Vettvangsnámið hefur yfirleitt verið mjög vinsælt meðal framhaldsskólakennara og færri hafa komist að en viljað. Áhugasömum er bent á að umsóknarfrestur rennur út 15. maí 2011.Lesa meira
4. apr. 2011
Sameining skóla rædd í Borgarstjórn á morgun
Vakin er athygli á fundi í Borgarstjórn Reykjavíkur þriðjudaginn 5. apríl 2011 og hefst hann kl. 14:00. Málið er númer tvö á dagskrá. Önnur umræða um fyrirhugaðar sameiningar grunnskóla, leikskóla og frístundaheimila (að beiðni borgarfulltrúa Sjálfstæðisflokks og Vinstri grænna).Lesa meira
4. apr. 2011
Punktastýrð úthlutun
Við viljum vekja athygli á að punktastýrð úthlutun á orlofshúsum í vikuleigu hófst 4. apríl. Punktastýrð úthlutun á leigu á flakkara hefst 2. maí n.k.Lesa meira
4. apr. 2011
Atvinnurekendur sæti ábyrgð tefji þeir samningagerð að óþörfu
Í drögum að ályktun um kjaramál sem verða til afgreiðslu á 5. þingi KÍ er m.a. lögð áhersla á að endurskoðunarákvæði sem sett eru í kjarasamninga verði virt sem og önnur ákvæði kjarasamninga. Jafnframt verði tryggt með löggjöf að vinnuveitendur sem að ástæðulausu tefja samningagerð sæti ábyrgð.Lesa meira
1. apr. 2011
Níu tónlistaratriði hlutu verðlaunagripinn „Nótuna“ fyrir framúrskarandi flutning á lokatónleikum uppskeruhátíðar tónlistarskóla
Nótunni 2011 - uppskeruhátíð tónlistarskóla - lauk með pompi og prakt síðastliðinn laugardag með tvennum glæsilegum lokatónleikum ásamt lokaathöfn sem fram fór í Langholtskirkju í Reykjavík. Tónleikagestir troðfylltu Langholtskirkju og á lokaathöfninni fylltist einnig safnaðarheimilið og kirkjan var hreinlega opnuð upp á gátt og troðið var út úr dyrum. Stemmingin var gríðarleg þar sem spilagleði, metnaður og eftirvænting einkenndi andrúmsloftið.Lesa meira
1. apr. 2011
Aðalfundur Félags framhaldsskólakennara 2011
Aðalfundur Félags framhaldsskólakennara var haldinn 17. – 18. mars sl. og sóttu hann um 70 fulltrúar úr öllum framhaldsskólunum. Á fundinum voru kjaramálin, skólamálin og starfsaðstæður framhaldsskólakennara í brennidepli en yfirskrift fundarins var „Staða framhaldsskólans“.Lesa meira
1. apr. 2011
Sumarnámskeið Ísbrúar 2011
Ísbrú heldur áttunda sumarnámskeið sitt fyrir kennara á öllum skólastigum sem kenna nemendum með íslensku sem annað tungumál.Lesa meira