Kennarasamband Íslands

31. jan. 2011

Dagur leikskólans

Dagur leikskólans verður haldinn hátíðlegur í fjórða sinn sunnudaginn 6. febrúar 2011. Þar sem dagurinn er á sunnudegi er mælst til þess að leikskólar landsins haldi daginn hátíðlegan á föstudeginum 4. febrúar.
Lesa meira

27. jan. 2011

Heimili og skóli krefjast þess að gæði skólastarfs séu tryggð

Heimili og skóli - landssamtök foreldra hafa sent frá sér gagnorða ályktun sem varðar skólastarf á öllum skólastigum. Þar er þess krafist að ríkisstjórn og sveitarfélög landsins tryggi gæði skólastarfs og gangi ekki á lögbundin réttindi skólabarna. Þá er farið fram á að haft sé samráð við foreldra áður en breytingar á skólastarfi eru ákveðnar .
Lesa meira

25. jan. 2011

Styrkir úr Endurmenntunarsjóði grunnskóla 2011

Samband íslenskra sveitarfélaga auglýsir eftir umsóknum í Endurmenntunarsjóð grunnskóla vegna endurmenntunarverkefna skólaárið 2011-2012. Umsóknarfrestur er til og með 15. febrúar 2011. Umsóknum skal skila inn á rafrænu formi á heimasíðu Sambands íslenskra sveitarfélaga www.samband.is.
Lesa meira

24. jan. 2011

Björg Bjarnadóttir næsti varaformaður KÍ

Kjöri til varaformannsembættis KÍ er lokið. Eitt framboð barst og er Björg Bjarnadóttir sjálfkjörinn varaformaður Kennarasambands Íslands. Björg tekur við varaformennsku á þingi KÍ í apríl en hún gegndi áður formennsku í Félagi leikskólakennara sem kunnugt er.
Lesa meira

24. jan. 2011

Styrkir til rannsókna og þróunarverkefna í grunnskólum skólaárið 2011-2012

Verkefna- og námsstyrkjasjóður Félags grunnskólakennara og Skólastjórafélags Íslands auglýsir styrki til félagsmanna sinna sem vinna að rannsóknum, þróunarverkefnum og nýbreytni í kennsluháttum í grunnskólum skólaárið 2011-2012. Umsóknarfrestur er frá 1. febrúar til og með 28. febrúar.
Lesa meira

18. jan. 2011

Fréttir af kjaramálum FL

Eins og fram kom í fréttatilkynningu frá Kennarasambandinu í desember sl. ákvað sameiginlegur fundur stjórna og samninganefnda aðildarfélaga sambandsins að taka ekki þátt í heildarsamfloti um gerð kjarasamninga. Þrátt fyrir að hafna heildarsamfloti lýsti KÍ sig tilbúið til samvinnu um afmarkaða þætti við undirbúning kjarasamninga, en forsenda slíks samstarfs væri að það yrði unnið undir verkstjórn og á ábyrgð ríkissáttasemjara. Önnur stór bandalög s.s. BSRB og BHM tóku í sama streng. Í kjölfarið hafði ríkissáttasemjari samband við helstu hagsmunaaðila á vinnumarkaði og setti fram lýsingu á þremur verkefnum sem hann taldi samstöðu um að væri gagnlegt að vinna að í undirbúningi kjaraviðræðna. KÍ tilnefndi fulltrúa sinn í hver hópanna þriggja.
Lesa meira

17. jan. 2011

Símenntun kennara – innihaldsrík skýrsla um endurskipulagningu komin út

Út er komin skýrsla um endurskipulagningu símenntunar kennara. Í henni eru meginniðurstöður settar fram á fjórum sviðum og tilgreind markmið og leiðir á hverju þeirra um sig. Sviðin eru eftirfarandi: 1. Þarfagreining og stefnumótun, 2. Viðhorf og verklag, 3. Skipulag og framkvæmd og 4. Símenntun þvert á skólastig. Skýrslan var rædd á samráðsfundi á menntavísindasviði HÍ þann 12. janúar sl. en til hans var boðað af samstarfsnefnd sviðsins og KÍ. Vinnuhópur og ráðuneytið taka nú við hnoðanu frá skýrsluhöfundum og koma málefninu í farveg framkvæmda.
Lesa meira

17. jan. 2011

Opnað fyrir styrkumsóknir í Nordplus

Fjölmargir kennarar hafa á undanförnum árum nýtt sér styrki Nordplus áætlunarinnar til að auðga kennslu og víkka sjóndeildarhring nemenda sinna. Menntaáætlun Nordplus er skipt í fernt og er einn hluti hennar - Nordplus Junior - sérstaklega hugsaður fyrir grunn- og framhaldsskóla á Norðurlöndum og Eystrasaltslöndum. Kennarar geta sótt um styrki til kennsluheimsókna og tekið þátt í samstarfsnetum og einnig er boðið upp á styrki til bekkjaheimsókna. Umsóknarfrestur í Nordplus er 1. mars 2011.
Lesa meira

12. jan. 2011

Skráningu lokið á námstefnu FSL

FSL félagar athugið. Skráningu á námstefnuna „Kraftmikil stjórnun skapar verðmæti“ lauk klukkan ellefu í dag. Hafið samband við Ingibjörgu Kristleifsdóttur formann félagsins ef ykkur vantar nánari upplýsingar.
Lesa meira

11. jan. 2011

Auglýsing um aðalfund Félags framhaldsskólakennara 2011

Aðalfundur Félags framhaldsskólakennara 2011 verður haldinn á Grand Hótel Reykjavík, fimmtudag og föstudag 17.-18. mars og hefst kl. 13:00.
Lesa meira

6. jan. 2011

Okkar kona!

Helga Sigurbjörnsdóttir fyrrverandi leikskólastjóri á Sauðárkróki er önnur tveggja kvenna sem hlaut titilinn Maður ársins 2010 á Norðurlandi vestra. Hin er Bóthildur Halldórsdóttir á Blönduósi. Helga hefur alla tíð verið mikil baráttumannseskja. Á fundi fyrir meira en tuttugu árum var manneskja beðin um að halda henni upptekinni á fundi svo hægt væri að ná tilteknu máli í gegn án hennar afskipta. Það tókst auðvitað ekki! Til hamingju Helga og Bóthildur.
Lesa meira

5. jan. 2011

Námskeið í notkun forrits sem auðveldar prófauppsetningu og námsmat

Námskeið í notkun próftökuforritsins Question Writer verður haldið á vegum EHÍ 19. janúar nk. Ætla má að mörgum kennurum geti fundist þetta áhugavert því um er að ræða forrit þar sem hægt er að byggja upp spurningabanka í nokkrum flokkum og láta síðan forritið velja spurningar af handahófi úr bankanum.Nokkrir kennarar í Háskóla Íslands, í framhalds- og grunnskólum hafa á undanförnum árum notað próftökuforritið Question Writer með góðum árangri.
Lesa meira

5. jan. 2011

Vinningshafar í Dælulykilshappdrætti KÍ og Atlantsolíu

Til hamingju og gleðilegt ár! Vinninga má vitja á skrifstofu KÍ, Laufásvegi 81 í Reykjavík.
Lesa meira