Kennarasamband Íslands

19. jún. 2013

Til hamingju með daginn!

Í dag, 19. júní, er kvenréttindadagurinn og 98 ár síðan konur, 40 ára og eldri, fengu kosningarétt og kjörgengi til Alþingis.
Lesa meira

19. jún. 2013

Útkallsgjald fyrir starfsmenn orlofshúsa KÍ

Á fundi stjórnar Orlofssjóðs KÍ sem haldinn var föstudaginn 3. maí sl. var samþykkt að vinnutími starfsmanna við orlofshús standi til kl. 22:00 mánudaga til föstudaga og til kl. 18:00 laugardaga og sunnudaga. Ef leigutaki telur þörf á því að kalla út starfsmann við orlofshús utan þess tíma er innheimt 20.000 kr. útkallsgjald fyrir hvert útkall.
Lesa meira

18. jún. 2013

Lausar leigueiningar og leigusamningur

Eitthvað er af lausum eignum til leigu hjá Orlofssjóði, fylgist með á bókunarvefnum og munið að prenta leigusamninginn út og taka með í bústaðinn.
Lesa meira

14. jún. 2013

Aðalbjörn Sigurðsson er nýr útgáfu- og kynningarstjóri KÍ

Aðalbjörn Sigurðsson fréttamaður hefur verið ráðinn útgáfu- og kynningarstjóri Kennarasambands Íslands. Hann tekur við starfinu 1. ágúst nk. af Kristínu Elfu Guðnadóttur sem lét af störfum í vor.
Lesa meira

14. jún. 2013

Reykjavíkurborg áfrýjar skaðabótamáli kennara til Hæstaréttar

Reykjavíkurborg var dæmd ábyrg fyrir fjárhagslegu tjóni kennara og skaðabótaskyld með dómi uppkveðnum 14. desember 2012. Ótímabærra starfslok kennarans voru afleiðing af veikindum í öndunarfærum. Kennarinn hafði fengist við kennslu um langt árabil og kenndi meðal annars smíðar, við skóla í Reykjavík, frá síðari hluta 9. áratugar síðustu aldar. Árið 2005 varð hann að segja starfi sínu lausu af heilsufarsástæðum, en heilsu hans hafði hrakað mjög í starfi fyrir Reykjavíkurborg.
Lesa meira

13. jún. 2013

Áætluð ráðstefna um tæknistutt nám og kennslu

Fræðslumiðstöð atvinnulífsins, Námsbraut um nám fullorðinna við HÍ og Norræna tengslanetið um nám fullorðinna stendur fyrir ráðstefnu um tæknistutt nám og kennslu föstudaginn 13. september nk.. Sérfræðingar frá öllum Norðurlöndunum miðla reynslu sinni og þekkingu á tæknistuddu og sveigjanlegu námi.
Lesa meira

12. jún. 2013

Engar tölvur takk

Baldur Þórhallsson kom fram í Síðdegisútvarpinu á RÚV í gær og sagði frá tölvulausum kennslustundum í stjórnmálafræði þar sem einu námsgögnin eru blýantur og blað. Hann hefur kurteislega farið þess á leit við nemendur sína að þeir leggi tölvurnar frá sér. Sjálfur er Baldur búinn að henda glærupökkunum. Baldur segir að uppbyggilegar samræður og vangaveltur um gagnrýnar spurningar séu það sem nemendur læri mest á og kallar það Sókratesaraðferðina.
Lesa meira

12. jún. 2013

Könnun á framkvæmd íþróttakennslu fylgt eftir

Á síðasta ári lét mennta- og menningarmálaráðuneytið gera könnun á fyrirkomulagi og umfangi íþróttakennslu í grunnskólum. Ein af niðurstöðum hennar var að svo virtist sem nemendur nokkurra skóla fengju færri sundtíma en kveðið er á um í aðalnámskrá, að dæmi væru um að fleiri en 15 nemendur væru á ábyrgð hvers kennara í sundtímum og/eða að nemendur fengju innan við 120 mínútur í íþróttum á viku.
Lesa meira

12. jún. 2013

Samkomulag um stofnun samstarfsnefndar um launaupplýsingar og efnahagsforsendur kjarasamninga

Þriðjudaginn 11. júní skrifuðu heildarsamtök launafólks og vinnuveitenda ásamt stjórnvöldum undir samkomulag um að setja á stofn „Samstarfsnefnd um launaupplýsingar og efnahagsforsendur kjarasamninga.“ Nefndin er sett á fót með það að markmiði að bæta þekkingu og vinnubrögð við undirbúning kjarasamninga og auka skilvirkni við gerð þeirra.
Lesa meira

12. jún. 2013

Fréttir af samræmdum prófum 2013

Nú eru samræmd próf sem nemendur í 4. 7. og 10. bekk munu þreyta í september 2013 farin í prentsmiðju, segir á vef Námsmatsstofnunar. Þar segir líka að verkefnagerð fyrir prófin 2014 sé langt á veg komin og eftir áramótin næstu verði 15 - 20 skólar á höfuðborgarsvæðinu beðnir um að forprófa það efni.
Lesa meira

12. jún. 2013

Ólafur Loftsson segir þörf fyrir miðlægan gagnagrunn um lausar kennarastöður

Morgunblaðið í dag birtir fréttaskýringu um að vel hafi gengið að ráða menntaða kennara til grunnskóla næsta vetur. Þar vitnar blaðamaður í Höllu Margréti Tryggvadóttur, starfsmannastjóra hjá Akureyrarbæ, Valgerði Janusdóttur, mannauðsstjóra á skóla- og frístundasviði Reykjavíkurborgar og Margréti Halldórsdóttur, sviðsstjóra skóla- og tómstundasviðs á Ísafirði
Lesa meira

10. jún. 2013

Athugasemdir KÍ við tillögur samráðsvettvangs um aukna velsæld

Kennarasambands Íslands hefur gert athugasemdir við tillögur verkefnisstjórnar samráðsvettvangs um aukna velsæld, þ.e. þann hluta sem fjallar um „Skilvirkara menntakerfi“. Tekið skal fram að athugasemdunum er beint að texta og upplýsingum hverrar glæru fyrir sig. KÍ bendir á að margt í tillögunum þurfi að skoða betur og nauðsynlegt sé að rýna í þær tölulegu upplýsingar sem vísað er í á glærunum.
Lesa meira

7. jún. 2013

Ferðin til framtíðar lofar góðu

Ferðin til framtíðar var yfirskrift Stóra leikskóladagsins 2013 sem haldinn var hátíðlegur í Ráðhúsi Reykjavíkur og Tjarnarbíói í dag 7. júní. Fjöldi gesta sótti viðburðinn. Kynning á leikskólastarfi fór fram í Ráðhúsinu og þar var margt að sjá og skoða. En þar sýndu leikskólakennarar víðsvegar að í borginni afrakstur starfs síns og nemenda sinna. Þar voru brúðuleikhús, sögur nemenda, margs konar listaverk og fjölmörg dæmi um hversu menntandi og þroskandi dvöl í leikskóla getur verið. Fyrirlestrar voru haldnir í Tjarnarbíói. Leikskólar í Reykjanesbæ voru að þessi sinni gestir Reykjavíkur á Stóra leikskóladeginum
Lesa meira

7. jún. 2013

Ályktun frá Félagi grunnskólakennara um jákvæðan anda í ríkisstjórnarsáttmála

Fundur stjórnar Félags grunnskólakennara og formanna svæðafélaga, haldinn 6. júní 2013, fagnar þeim mikla samráðsanda sem ríkir um skólamál í nýgerðum stjórnarsáttmála. Það er mjög jákvætt að ríkisstjórnin hafi einsett sér að hafa samráð við hagsmunaaðila þegar ákvarðanir eru teknar á vettvangi ríkisins um skipulag náms og kennslu.
Lesa meira

7. jún. 2013

Stóri leikskóladagurinn er í dag

Ferðin til framtíðar er yfirskrift stóra leikskóladagsins 2013 sem er í dag föstudaginn 7. júní kl. 08:30 – 15:00. Hátíðin fer fram í Ráðhúsi Reykjavíkur og Tjarnarbíói. Kynning á leikskólastarfi fer fram í Ráðhúsi Reykjavíkur og fyrirlestrar í Tjarnarbíói. Leikskólar í Reykjanesbæ eru að þessi sinni gestir Reykjavíkur á Stóra leikskóladeginum.
Lesa meira

5. jún. 2013

Vísindaleikir, húmor, vendikennsla og margt, margt fleira

Loftið á Menntavísindasviði HÍ við Stakkahlíð var þrungið eldmóði og áhuga þegar hundruð náttúrufræðikennara á öllum skólastigum komu saman til að fræðast um nýjungar, hlýða á fyrirlestra, kynningar og smiðjur á málþingi um nám og kennslu í náttúrufræðigreinum á 21. öldinni. Helst var kvartað undan því að ekki væri hægt að vera á fleiri en einum stað í einu þar svo margt áhugavert var í gangi á sama tíma.
Lesa meira

4. jún. 2013

Tíu atriði til að vera góður og hamingjusamur kennari eftir Önnu Jónu Guðmundsdóttur framhaldsskólakennara

Í síðasta Vikupósti FF á önninni gefur Anna Jóna Guðmundsdóttir sálfræðikennari, 10 góð ráð til að vera góður og hamingjusamur kennari. Hún minnir kennara á að kennsla er mjög innihaldsríkt starf og þeir þurfi að hafa í huga að þeir hafi aðgang að fólki sem sækir þekkingu til kennarans, ber fyrir honum virðingu og er komið til að læra af honum. Ekki bara til að læra fagið sem hann kennir heldur líka til að læra vinnubrögð, víðsýni og jafnvel að takast á við siðferðleg álitamál.
Lesa meira

4. jún. 2013

Þorbjörn Sigurbjörnsson í Versló er kennari maímánaðar á vef FF

Kennari maímánaðar á vef Félags framhaldsskólakennara heitir Þorbjörn Sigurbjörnsson. Hann kennir viðskiptagreinar við Verzlunarskóla Íslands. Hann segir frá viðhorfum sínum til náms og kennslu. Þetta er fjórða myndbandið sem FF hefur látið gera í vetur um kennara og störf þeirra. Kennari mánaðarins er hluti af kynningarátaki FF sem hefur þann tilgang að vekja athygli á störfum kennara og viðhorfum þeirra til starfs síns og starfsaðstæðna. Vikupóstarnir, sem eru stuttar greinar, hafa vakið mikla athygli og sýna svo ekki verður um villst að kennurum liggur mikið á hjarta.
Lesa meira

4. jún. 2013

Langar þig að vinna að raunverulegu jafnrétti?

Hagnýt jafnréttisfræði-diplómanám, er kennd við Stjórnmálafræðideild HÍ og er spennandi valkostur fyrir fólk sem vill starfa að jafnréttismálum. Diplómanámið er opið öllum þeim sem hafa lokið BA, BS eða BEd prófi, óháð námsleið. Umsóknarfrestur er 5. júní.
Lesa meira

4. jún. 2013

Hugarafl býður til afmælisfagnaðar og fyrirlesturs Patch Adams

Í tilefni af 10 ára afmæli Hugarafls mun hinn heimsfrægi hugsjónamaður og mannvinur Patch Adams koma til landsins. Patch Adams er þekktur heimilislæknir sem hefur farið mjög óhefðbundar leiðir í starfi sínu. Árið 1998 var gerð kvikmynd sem byggð er á ævi hans og fór Robin Williams þar á kostum í hlutverki Patch Adams. Myndin fór sigurför um heiminn og var meðal annars tilnefnd til Óskarsverðlauna. Í umfjöllun um fyrirlestur (sem fylgir) má sjá meira um hans störf.
Lesa meira

31. maí 2013

Karlar á leikskólastiginu funda í Kennarahúsinu

Samráðshópur karla á leikskólastiginu komu saman til fundar í Kennarahúsinu í dag. Tilefni fundarins var að ræða leiðir til að fjölga karlmönnum í stöðum leikskólakennara. Margar góðar hugmyndir komu fram og ákváðu fundarmenn að nota sumarið til að melta þær. Fyrirhugað er að hópurinn komi aftur saman í sumarlok og ræði málin frekar.
Lesa meira

31. maí 2013

Lög á verkbannið í Danmörku og áhrif þeirra á vinnutíma kennara

Danska ríkisstjórnin greip sem kunnugt er inn í verkbann sveitarfélaga (KL) á grunnskólakennara (DLF) í apríl sl. með lagasetningu. Sá gerningur felur í meginatriðum í sér skerðingu á undirbúningstíma kennara og fjölgun kennslustunda til að ná niður kostnaði við breytingar á lögum um grunnskóla, „sólarlag“ er sett á 60 ára afslátt, vinnutímakafla kjarasamninga er kippt út og tímaskráningakerfi (stimpilklukkukerfi) tekið upp í skólum.
Lesa meira

31. maí 2013

Hæfnimiðað námsmat - lærum hvert af öðru

Mennta- og menningarmálaráðuneytið efnir til málþings um námsmat í nýrri menntastefnu í samstarfi við Kennarasamband Íslands og Samband íslenskra sveitarfélaga í Flensborgarskóla 30. ágúst nk. Námsmat í nýrri menntastefnu grundvallast á hæfni nemenda og er kynnt í nýjum aðalnámskrám leikskóla, grunnskóla og framhaldsskóla.
Lesa meira

31. maí 2013

„Nýr norrænn stjörnuhiminn“ - norrænt samstarfsverkefni

Nemendur úr 4. og 7. bekk Giljaskóla á Akureyri sýndu samstarfsverkefni um nýjan norrænan stjörnuhimin í húsnæði Populus tremula í Listagilinu á Akureyri núna í lok maí. Á sýningunni var vinnuferli verkefnisins rakið í máli og myndum ásamt því að nýr norrænn stjörnuhiminn var til sýnis.Verkefnið hafa nemendur unnið með kennurum, listamönnum og fræðimönnum á Íslandi, í nánu samstarfi við stofnanir í Umeå í Svíþjóð og í Viborg í Danmörku.
Lesa meira

30. maí 2013

Nýtt rautt epli

Rauða eplið, rafrænt fréttabréf Félags framhaldsskólakennara, var að koma út og hægt er að nálgast það hér.
Lesa meira

30. maí 2013

Fljúgandi teppi

Aðstandendur 5. bekkinga í Háteigsskóla komu í heimsókn til að upplifa menningarmót með börnum sínum 29. maí sl. Á menningarmótum kynnir hver þátttakandi áhugamál sín og eigin menningu á skapandi hátt. Ekki er endilega átt við þjóðarmenningu heldur það sem skiptir mestu máli fyrir hvern og einn. Allir eru þátttakendur og áhorfendur um leið.
Lesa meira

29. maí 2013

Ljóðabók frá Leikskólanum Garðaborg

Í tilefni af 30 ára starfsafmæli Garðaborgar var gefin út ljóðabók. Bókin inniheldur ljóð eftir börn í leikskólanum Garðaborg samin á tímabilinu janúar 2012 til mars 2013. Ljóðin eru margvísleg og umfjöllunarefnin af ýmsum toga. Öll eiga ljóðin það þó sameiginlegt að vera einlæg, falleg og skemmtileg.
Lesa meira

29. maí 2013

Ferðin til framtíðar

Stóri leikskóladagurinn í Reykjavík verður í Ráðhúsi Reykjavíkur og Tjarnarbíói föstudaginn 7. júní 2013, kl. 08:30 - 15:00. Kynning á leikskólastarfi fer fram í Ráðhúsinu og fyrirlestrar í Tjarnarbíói. Leikskólar í Reykjanesbæ eru að þessi sinni gestir Reykjavíkur á Stóra leikskóladeginum. Allir sem áhuga hafa eru velkomnir.
Lesa meira

29. maí 2013

Annar- eða orlofsuppbót

Upphæðir annar- og orlofsuppbótar er hægt að nálgast á heimasíðunni.
Lesa meira

29. maí 2013

Forysta KÍ heimsækir Sjálandsskóla

Forystufólk Kennarasambands Íslands þáði heimboð í Sjálandsskóla í Garðabæ í 28. maí sl. Helgi Grímsson skólastjóri tók á móti hópnum og sýndi húsnæði skólans um leið og hann útskýrði hvernig kennslu í skólanum er háttað en hann starfar, sem kunnugt er, samkvæmt þeirri hugmyndafræði sem kallast „opinn skóli“. Skipulag skólans er í samræmi við grunnskólalög og aðalnámskrá.
Lesa meira

28. maí 2013

Nýr Vikupóstur á vef FF frá Menntaskólanum að Laugarvatni

Baldur Garðarsson, framhaldsskólakennari og formaður félagsdeildarinnar við Menntaskólann að Laugarvatni, skrifar Vikupóstinn á vef Félags framhaldsskólakennara að þessu sinni. Kennslufræðileg efni eru honum hugleikin og í þessum athyglisverða pistli mátar hann hugmyndafræði náttúrutúlkunar við breytta kennsluhætti og veltir því fyrir sér hvort efla megi nám nemenda með þessum aðferðum.
Lesa meira

28. maí 2013

Þess vegna er ég leikskólakennari

Unnur Henrýsdóttir skrifar grein í Fréttablaðið í dag og segir: Ég ákvað að setjast niður eina kvöldstund og setja á blað ástæðuna fyrir því að ég er leikskólakennari en ekki eitthvað annað. Staðan í dag er þannig að sárlega vantar leikskólakennara og sem innlegg í alla þá neikvæðu umræðu sem á sér stað um kennaranám langar mig aðeins að benda á jákvæðu hliðar námsins.
Lesa meira

28. maí 2013

Af hverju er ég leikskólakennari?

Ég var frekar áttavilltur unglingur. Hvað mig langaði að verða þegar ég yrði stór var ekki mikið sem ég spáði í. Sérstaklega eftir að það varð ljóst að ég yrði seint atvinnumaður í knattspyrnu.
Lesa meira

27. maí 2013

Sameinumst um nýtt kennaranám

Pawel Bartoszek stærðfræðingur skrifaði grein um kennaranám í Fréttablaðið sl. föstudag. Í sjálfu sér er jákvætt að hinir og þessir hafi áhuga og tjái sig um kennara, kennaramenntun og skólastarf, en maður veltir stundum fyrir sér hvað býr að baki skrifunum. Eðli málsins samkvæmt er skólinn og skólastarf flestum nærtækt málefni. Allir hafa gengið í skóla og allir þekkja börn og ungmenni sem sækja skóla. Á tyllidögum er sagt að góð menntun sé fjöreggið okkar og um hana beri að standa vörð ásamt góðu heilbrigðiskerfi, en þetta tvennt snertir alla einstaklinga einhvern tíma á lífsleiðinni.
Lesa meira

27. maí 2013

Útskrift barna úr leikskólanum Sæborg

Það útskrifast fleiri en stúdentar þessa dagana. Útskriftarferð elstu barnanna á leikskólanum Sæborg var farin föstudaginn 17. maí sl. Farið var með ferju út í Viðey þar sem var grillað og farið í leiki.Útskriftin sjálf var haldin hátíðleg föstudaginn 24. maí og fengu börnin afhent útskriftarskjal með ljóði og mynd hjá deildarstjóra. Börnin stóðu sig einstaklega vel og eiga hrós skilið fyrir það.
Lesa meira

27. maí 2013

Mat á áhrifum stofnanasamninga framhaldsskóla á kjör kennara

Framhaldsskólar landsins eru með dreifstýrða kjarasamninga eins og aðrar ríkisstofnanir. Að undanförnu hefur Félag framhaldsskólakennara unnið að því að meta áhrif þeirra á kjör kennara. Félagið birti nýverið tvær úttektir í þessu skyni, annars vegar á grunnröðun kennarastarfsins í stofnanasamningum skólanna og hins vegar á ákvæðum samninganna um viðbótarstörf og hópastærðir.
Lesa meira

27. maí 2013

Fjölbreytt flóra brautskráðra frá FNV

Hundruð nemenda útskrifast um þessar mundir frá framhaldsskólum landsins og víða mátti sjá hvíta og mislita kolla gleðjast yfir tímamótunum um nýliðna helgi. Einn þeirra skóla sem brautskráði nemendur var Fjölbrautaskóli Norðurlands sem var slitið í 34. sinn sl. laugardag við hátíðlega athöfn í íþróttahúsinu á Sauðárkróki. Fjölmenni var viðstatt enda útskriftarhópurinn aldrei í verið stærri eða 121 nemandi.
Lesa meira

27. maí 2013

Hugræn atferlismeðferð

Nám í undirstöðuatriðum hugrænnar atferlismeðferðar er í boði í haust hjá Endurmenntun HÍ. Námið er haldið í samvinnu við Félag um hugræna atferlismeðferð. Megináhersla er á hagnýta þekkingu á undirstöðuatriðum aðferðarinnar. Markmiðið er að veita fræðilega yfirsýn yfir grunnatriði kenninga um hugræna atferlismeðferð, líkön, hugtakanotkun og aðferðir ásamt því að öðlast skilning á tengslum kenninga og meðferðar, einkum við þunglyndi, kvíða og álagi í daglegu lífi.
Lesa meira

27. maí 2013

Norrænn fundur um starfsumhverfismál kennara

Nordisk Arbeidsmiljø Nettverk (NAN) fundar í Kennarahúsinu við Laufásveg í dag 27. maí. NAN er óformlegur samstarfshópur norrænna kennarafélaga sem leiðir saman hesta sína einu sinni á ári til að ræða starfsumhverfismál kennara. Valdís I. Jónsdóttir talfræðingur flytur, t.d. erindi á fundinum um hávaða í skólum og áhrif hans á rödd, heyrn og líðan kennara og Anders Eklund fulltrúi Läraförbundet í Svíþjóð flytur erindið „Third Party Violence”.
Lesa meira

24. maí 2013

Atli Harðarson skólameistari Fjölbrautaskóla Vesturlands rýnir í tölur OECD um brottfall úr íslenskum framhaldsskólum

„Það hlýtur að vera betra að hlúa að því sem gefist hefur vel og byggja á sterkum undirstöðum sem til eru heldur en að mikla fyrir sér vandamál sem voru áhyggjuefni fyrir tuttugu árum og staglast á tölum sem virðast okkur í óhag í villandi og röngum samanburði við önnur lönd,“ segir Atli Harðarson skólameistari í Fjölbrautaskóla Vesturlands í grein á mbl.is í dag.
Lesa meira

23. maí 2013

40 verkefni hlutu styrk úr Sprotasjóði skólaárið 2013-2014

Úthlutað hefur verið úr Sprotasjóði mennta- og menningarmálaráðuneytisins fyrir skólaárið 2013-2014. Alls bárust 115 umsóknir til sjóðsins og fengu 40 verkefni styrk að upphæð rúmlega 45. millj. kr. Sprotasjóður er sameiginlegur fyrir leik-, grunn- og framhaldsskóla og er hlutverk sjóðsins að styðja við þróun og nýjungar í skólastarfi.
Lesa meira

23. maí 2013

Íþróttakennaramenntun á Íslandi í 80 ár

Íþróttakennarafélag Íslands í samvinnu við stjórnendur íþrótta- og heilsubrautar Háskóla Íslands á Laugarvatni bjóða til afmælis- og skemmtidagskrár sunnudaginn 26. maí nk. í íþróttahúsinu á Laugarvatni. Dagskráin stendur yfir frá kl. 14:00 til 16:00.
Lesa meira

23. maí 2013

Stefnuyfirlýsing nýrrar ríkisstjórnar um mennta-og menningarmál

Ríkisstjórnin leggur ríka áherslu á að efla menntakerfið með hagsmuni nemenda og þjóðarinnar allrar að leiðarljósi. Fjölbreytileiki í skólastarfi er lykill að kraftmiklu og skapandi samfélagi. Áhersla verður lögð á samráð við hagsmunaaðila þegar ákvarðanir eru teknar á vettvangi ríkisins um skipulag náms og kennslu.
Lesa meira

23. maí 2013

Menntamálin í raun stærsta efnahagsmál þessarar þjóðar

„Menntamálin í raun stærsta efnahagsmál þessarar þjóðar,“ sagði Illugi Gunnarsson, verðandi menntamálaráðherra í vefsjónvarpi mbl.is eftir að tilkynnt var að hann yrði ráðherra í næstu ríkisstjórn. Illugi sagði mikið verkefni framundan og sagðist hlakka mjög til. Verkefnið fælist í hvernig ná mætti meiri og betri árangri í menntamálum. „Framtíð okkar byggist á að nýta sem best mannauðinn.“
Lesa meira

23. maí 2013

Illugi Gunnarsson er nýr mennta- og menningarmálaráðherra

Illugi Gunnarsson Sjálfstæðisflokki er nýr mennta- og menningarmálaráðherra og tekur við embættinu í dag af Katrínu Jakobsdóttur Vinstri grænum. Um leið og Kennarasamband Íslands þakkar Katrínu Jakobsdóttur samstarfið á liðnu kjörtímabili er Illuga óskað til hamingju með starfið. Kennarasamband Íslands væntir góðs samstarfs við nýjan mennta- og menningarmálaráðherra.
Lesa meira

23. maí 2013

Krakkar í Fjarðabyggð fræðast um happafley

Nemendur úr 8. og 9. bekkjum Stöðvarfjarðar, Breiðdalsvíkur, Fáskrúðsfjarðar og Reyðarfjarðar fengu sérstaka fræðslu og leiðsögn um happafleyin Húna II og Knörrinn sem voru á ferð í Fjarðabyggð fyrr í mánuðinum. Hluti nemendanna fékk að fara í siglingu með Knerrinum og fengu um leið fræðslu um það merka fley.
Lesa meira

23. maí 2013

SAMFOK þrjátíu ára

Samtök foreldra grunnskólabarna í Reykjavík SAMFOK fögnuðu 30 ára afmæli á dögunum. En samtökin voru stofnuð árið 1983. Í tilefni afmælisins var gefið út veglegt afmælisrit.
Lesa meira

22. maí 2013

Nauðsynlegt að auka fjölbreytni námsframboðs í íslenskum skólum

Stytting námtíma er ekki forgangsmál í íslenskum framhaldsskólum. Við þurfum hins vegar að auka fjölbreytni námsframboðs, sagði Ólafur H. Sigurjónsson aðstoðarskólameistari í FÁ m.a. í viðtali í Speglinum í gær.
Lesa meira

22. maí 2013

Atli Harðarson skólameistari rýnir í tölur um lengd framhaldsskólanáms

„Gætum kannski náð „hæsta menntunarstigi“ í heimi með því einu að læra minna en við gerum,“ segir Atli Harðarson skólameistari í Framhaldsskóla Vesturlands í færslu á Facebook þar sem hann rýnir í tölur úr Education at a Glance og útskýrir hvað stendur að baki þegar talað er um „ljúka“ framhaldsskólanámi. Sérstaða Íslands er töluverð.
Lesa meira

21. maí 2013

Halldóra Björt Ewen í MH skrifar Vikupóst og spyr: Hvað færðu fyrir þrjúþúsundkall?

Halldóra Björt Ewen, íslenskukennari í Menntaskólanum við Hamrahlíð og stjórnarmaður í Félagi framhaldsskólakennara, ritar Vikupóstinn 21. maí. Halldóru eru kjarmálin hugleikin og segir hún, m.a. „Einu sinni voru laun kennara í menntaskólum og alþingismanna svipuð. Núna, þegar krafist er 5 ára háskólamenntunar af kennurum, en engrar af alþingismönnum, munar 262 677 krónum á laununum mínum og alþingismanna.“
Lesa meira

21. maí 2013

Vill þinn skóli taka þátt í tilraunakennslu í fjármálalæsi næsta skólaár?

Auglýst er eftir grunn- og framhaldsskólum til að taka þátt í tilraunakennslu í fjármálalæsi næsta skólaár. Gerð verður könnun í upphafi og lok tilraunakennslunnar á fjármálalæsi nemenda. Verkefnið hefur farið vel af stað og mikill áhugi er innan þáttökuskólanna bæði hjá kennurum og nemendum og því eru bundnar miklar vonir við að skólar almennt muni taka upp kennslu í fjármálalæsi í náinni framtíð.
Lesa meira

21. maí 2013

Niðurskurðurinn bitnar grimmdarlega á starfi framhaldsskólanna

„Reiði ríkir meðal félagsmanna í framhaldsskólunum sem þykir störfum sínum lítill sómi sýndur og svíður fálæti ráðamanna um hag og kjör nemenda og starfsmanna. Við þeim blasir launamunur upp á að meðaltali rúmlega þrjá launaflokka miðað við samanburðarhópa, eða rúmlega 16% á dagvinnulaunum og rúmlega 8% á heildarlaunum,“ segir Elna K. Jónsdóttir í grein í Skólavörðunni.
Lesa meira

27. mar. 2013

Jöklaferðir upp á topp Langjökuls

Í allt sumar geta félagsmenn KÍ nýtt sér frábært tilboð til að fara í jöklaferðir upp á topp Langjökuls. Farið er í átta hjóla jöklatrukk sem er sérhannaður til jöklaferða og tekur 40 farþega. Tilboðið hljóðar upp á tveir fyrir einn frá 1. júní til 31. ágúst, hálft gjald fyrir 12 til 15 ára og ókeypis fyrir börn 0-11 ára.
Lesa meira

11. apr. 2012

Vissir þú að...

...70% allra sjúkdóma í heiminum í dag stafa af hreyfingarleysi, reykingum og mataræði?
Lesa meira

15. okt. 2010

Ályktun FF frá fundi 4. október sl.

Félag framhaldsskólakennara fundaði með formönnum félagsdeilda og trúnaðarmönnum í framhaldsskólum 4. október sl. á Grand hóteli í Reykjavík. Á fundinum var ályktað um aðferðir við fyrirhugaðan niðurskurð á fjárveitingum til framhaldsskóla 2011.
Lesa meira