Hvað er Kennarasamband Íslands?

Kennarasamband Íslands tók til starfa í janúar 2000. Að Kennarasambandinu standa átta félög, þ.e. Félag grunnskólakennara, Félag framhaldsskólakennara, Félag leikskólakennara, Félag tónlistarskólakennara, Skólastjórafélag Íslands, Félag stjórnenda í framhaldsskólum, Félag stjórnenda leikskóla og Félag kennara á eftirlaunum. Félagsmenn eru nú um 10.000.

Í Kennarahúsinu eru skrifstofur Kennarasambandsins og félaga innan þess og einnig skrifstofur Orlofssjóðs KÍ, Sjúkrasjóðs KÍ auk endurmenntunarsjóða félaganna.

Í 2. grein laga KÍ er fjallað um hlutverk sambandsins:

• gæta hagsmuna og réttinda félagsmanna,
• fara með samningsrétt um kaup og kjör félagsmanna,
• auka samstarf kennara og efla fag- og stéttarvitund,
• vinna að eflingu kennaramenntunar og endurmenntunar félagsmanna,
• vinna að því að efla skólastarf og stuðla að framförum í uppeldis- og skólamálum,
• hafa samvinnu við önnur samtök kennara,
• hafa samvinnu við samtök annarra launamanna,
• hafa samvinnu við stofnanir og hagsmunasamtök sem vinna að skólamálum og einnig við samtök kennaranema.