Kennarasamband Íslands

29. feb. 2008

Músíkalskt par í Fellaskóla

Menntaráð Reykjavíkurborgar ætlar að efla tónlistarstarf í Fellaskóla með verkefni sem kallað hefur verið “músíkalskt par”. Það felst í samstarfi tónlistarskóla og grunnskóla, en sambærileg verkefni eru nú í gangi í 10 grunnskólum í samstarfi við 5 tónlistarskóla í borginni. Mikill áhugi er fyrir því að efla tónlistarstarf í Fellaskóla. Í fjölmenningarlegu samfélagi, líkt og í Fellahverfi, hefur sýnt sig að tónlistarkennsla hefur góð félagsleg áhrif og getur stuðlað að meiri samvinnu nemenda og skilningi þeirra í milli.
Lesa meira

29. feb. 2008

Erlendur leikskólastjóri á Flateyri

Barbara Ferster er leikskólakennari með meistarapróf frá Póllandi og hefur hún verið leikskólastjóri í leikskólanum Grænagarði á Flateyri frá árinu 2005.
Lesa meira

28. feb. 2008

Mesta brottfall í kennarastétt í áratug

871 starfsmaður við kennslu í október 2006 var hættur eða hafði fengið leyfi frá störfum í október 2007. Brottfallið er 17,5%. Þetta er meira brottfall en mælst hefur í gagnasöfnun Hagstofu Íslands frá árinu 1997 eða í áratug. Í frétt frá Hagstofunni segir að brottfall úr kennslu sé hlutfallslega meira meðal þeirra sem ekki hafa kennsluréttindi og meðal þeirra sem eru í hlutastarfi.
Lesa meira

28. feb. 2008

Foreldrar og borgaryfirvöld funda um málefni grunnskólans

Þorgerður Laufey Diðriksdóttir formaður Kennarafélags Reykjavíkur flutti erindi á samráðsfundi foreldra og borgaryfirvalda um manneklu í grunnskólum sem haldinn var 26. febrúar sl.
Lesa meira

28. feb. 2008

Hvatningarverðlaun Leikskólaráðs Reykjavíkur

Auglýst er eftir tilnefningum til hvatningarverðlauna Leikskólaráðs Reykjavíkur. Skilafrestur er til 1. apríl 2008.
Lesa meira

27. feb. 2008

Þú ert að verða of seinn í skólann!

Í Skólavörðunni er útdráttur úr fyrirlestri sem Pétur Gunnarsson rithöfundur hélt þann 30. janúar s.l. í tilefni af aldarafmæli kennaramenntunar.
Lesa meira

27. feb. 2008

Heldur rétti til aðildar að B deild LSR þrátt fyrir breytt rekstrarform

21. febrúar sl. komst Héraðsdómur Reykjavíkur að þeirri niðurstöðu að kennari sem starfað hefur um langt árabil við Landakotsskóla í Reykjavík eigi rétt til áframhaldandi aðildar að B-deild Lífeyrissjóðs starfsmanna ríkisins þrátt fyrir að rekstrarfyrirkomulagi skólans hafi verið breytt frá og með 1. ágúst 2005 og skólinn sé nú rekinn sem einkahlutafélag eða sjálfseignarstofnun í eigu Kaþólsku kirkjunnar á Íslandi.
Lesa meira

27. feb. 2008

PISA - og hvað svo?

Menntamálaráðherra hefur ákveðið að setja á fót starfshóp til þess að fjalla um áranguríslenskra nemenda í Pisa rannsókninni 2006. Starfhópnum er ætlað að vinna að gerð framkvæmdaáætlunar sem geti orðið farvegur fyrir markvissar umbætur í skólamálum á næstu árum. Ráðherra óskað í janúar sl. eftir viðbrögðum helstu hagsmunaaðila, þar með talið Kennarasambands Íslands, við niðurstöðum rannsóknarinnar. KÍ hefur nú sent ráðherra greinargerð sína um málið.
Lesa meira

27. feb. 2008

Málþing um Olweusaráætlunina

Málþing um Olweusaráætlunina verður haldið í fundarsalnum Skriðu í Kennaraháskóla Íslands við Stakkahlíð í Reykjavík föstudaginn 29. febrúar kl. 9:00 til 16:30.
Lesa meira

27. feb. 2008

Tengsl kennaramenntunar og skólaþróunar

Dagana 21.-24. maí 2008 verður haldin 10. norræna ráðstefnan um kennaramenntun. Markmið ráðstefnunnar að þessu sinni er að skoða tengsl kennaramenntunar og skólaþróunar.
Lesa meira

27. feb. 2008

Ráðstefna í tilefni af alþjóðlegum baráttudegi kvenna

Fimmtudaginn 6. mars bjóða samtök launafólks og Jafnréttisstofa til ráðstefnu í tilefni af alþjóðlegum baráttudegi kvenna. Ráðstefnan verður haldin í Rúgbrauðsgerðinni, Borgartúni 6, kl. 13-16:15.
Lesa meira

27. feb. 2008

Ályktun frá Kennarafélagi Menntaskólans á Ísafirði

Lesa meira

25. feb. 2008

Fundur í BRÚ, umræðuvettvangi um skólamál

Miðvikudaginn 27. febrúar nk. kl. 16-18, verður haldinn fundur í BRÚ, umræðuvettvangi um skólamál. Margrét Birna Þórarinsdóttir kynnir PBS kerfið - stuðning við jákvæða hegðun og Guðlaug Erla Gunnarsdóttir kynnir hugmyndafræðina Uppeldi til ábyrgðar.
Lesa meira

25. feb. 2008

Opið hús í Kennaraháskólanum

Mánudaginn 25. febrúar verður opið hús í Kennaraháskólanum við Stakkahlíð kl. 16-18.
Lesa meira

20. feb. 2008

Framhaldsskólakennarar hafa dregist aftur úr í launum

Launaþróun félagsmanna KÍ í framhaldsskólum hefur ekki fylgt launaþróun hefðbundinna viðmiðunarhópa hjá ríkinu á yfirstandandi samningstímabili og hafa framhaldsskólakennarar dregist umtalsvert aftur úr þeim í grunnlaunum.
Lesa meira

19. feb. 2008

Opinn umræðufundur um PISA

Námsmatsstofnun stendur fyrir opnum umræðufundi um PISA 2006 í dag, þriðjudag, á milli 13 og 15, í sal Námsmatsstofnunar Borgartúni 7a.
Lesa meira

18. feb. 2008

FL andvígt stofnun fimm ára bekkja

„Við vörum við framkomnum hugmyndum Reykjavíkurborgar um að koma á fót fimm ára deildum við fjóra grunnskóla í Reykjavík næsta haust“ segir Björg Bjarnadóttir formaður Félags leikskólakennara.
Lesa meira

18. feb. 2008

Kennarar í startholunum vegna samninga

Samningar lausir hjá öllum félögum kennara á þessu ári.
Lesa meira

15. feb. 2008

Alvarlegur misskilningur að kennarar yngri barna þurfi minni menntun

Ólafur Proppé rektor Kennaraháskóla Íslands ritar grein í Morgunblaðið í dag um kennaranám til meistaragráðu. Þar fjallar Ólafur um meistaranám til kennarastarfsins og segir meðal annars að það sé alvarlegur misskilningur að halda því fram að kennurum yngstu barnanna nægi takmarkaðri, styttri eða minni menntun en hinum sem kenna þeim sem eldri eru. „Uppeldi og menntun, nám og kennsla eru afar flókin viðfangsefni sem krefjast vísindalegrar þekkingar og vinnubragða ekki síður en aðrar starfsgreinar þar sem krafist er meistaragráðu,“ segir rektor.
Lesa meira

14. feb. 2008

Sönnunarbyrðin hvílir á vinnuveitanda

Í dómi sem Hæstiréttur kvað upp 7. febrúar sl. er Grindavíkurbær dæmdur til að greiða leikskólastjóra við leikskóla í bænum tæplega 750 þúsund krónur ásamt dráttarvöxtum vegna vangoldins orlofs á fasta yfirvinnu á árunum 2000 til og með 2005.
Lesa meira

14. feb. 2008

Óskað eftir samstarfsskólum á leik,- grunn- og framhaldsskólastigi í rannsóknarverkefni um menntun til sjálfbærni

Háskólinn á Akureyri og Kennaraháskóli Íslands halda utan um stórt rannsóknarverkefni á sviði menntunar til sjálfbærni um þessar mundir og óska eftir framhaldsskólum, grunnskólum og leikskólum til samstarfs. Háskólarnir benda á að frestur til að sækja um styrki úr þróunarsjóðum leik- og grunnskóla rennur út 3. mars nk.
Lesa meira

14. feb. 2008

ASÍ á móti menntun

Kennurum krossbrá þegar frétt birtist á mbl.is síðdegis í gær um umsögn ASÍ um menntafrumvörpin. Þar rær sambandið á sömu mið og SÍS og borgarráð og gagnrýnir lengingu kennaramenntunar auk þess sem gagnrýnd er lögbinding kennaramenntunar hjá tveimur þriðju hlutum starfsmanna í leikskólum.
Lesa meira

13. feb. 2008

Virkt nám - styrkari sjálfsmynd. Samfella á yngsta skólastiginu með High/Scope að leiðarljósi

Málþing haldið á vegum leikskóla Félagsstofnunar stúdenta 29. febrúar 2008 á Háskólatorgi.
Lesa meira

13. feb. 2008

Vísindabúðir fyrir kennara og nemendur á unglingastigi grunnskóla og fyrstu árum framhaldsskóla – ókeypis

Viku- og tveggja vikna sumarbúðadvöl í Kanada býðst nú íslenskum vísindakennurum og nemendum þeirra á unglingsaldri.
Lesa meira

13. feb. 2008

Aðalfundur FL 13. og 14. mars 2008

Aðalfundur FL verður haldinn á Grand Hóteli í Reykjavík 13. og 14. mars n.k. Fundurinn verður settur kl. 12:30 þann 13. mars.
Lesa meira

12. feb. 2008

Rektor KHÍ gerir alvarlegar athugasemdir við umsagnir Reykjavíkurborgar og Sambands íslenskra sveitarfélaga

„Finnar gerðu meistarapróf frá háskóla að lágmarkskröfu fyrir grunnskólakennara strax árið 1979 - eða fyrir hartnær þrjátíu árum - og enginn fer í grafgötur um hversu vel finnskir skólar koma út úr alþjóðlegum könnunum“, segir Ólafur Proppé rektor Kennaraháskóla Íslands í bréfi til borgarráðs Reykjavíkur og Sambands íslenskra sveitarfélaga.
Lesa meira

11. feb. 2008

Kennaramenntun í 100 ár: Nám og lýðræði á 21. öldinni - ráðstefna 23. febrúar

Ráðstefnan hefst með skráningu og afhendingu ráðstefnugagna kl. 8:45, laugardaginn 23. febrúar, en lýkur með léttum veitingum kl. 15:00.
Lesa meira

6. feb. 2008

Vinningsnúmerið í kjarakönnun BSRB, BHM og KÍ

Vinningsnúmerið í happdrætti kjarakönnunar BSRB, BHM og KÍ er 110666.
Lesa meira

6. feb. 2008

Námskeið hjá Endurmenntun HÍ fyrir grunn- og leikskólakennara sem og aðra sem starfa með börnum og unglingum

Á næstu vikum eru í boði hjá Endurmenntun Háskóla Íslands ýmis námskeið sem henta vel fyrir grunn- og leikskólakennara sem og öðrum sem starfa með börnum og unglingum.
Lesa meira

6. feb. 2008

Málþingi frestað

Kennarar athugið! Málþinginu “Að vita meira og meira” sem halda átti 22. febrúar er frestað til vors vegna forfalla aðalfyrirlesara.
Lesa meira

5. feb. 2008

Haldið upp á dag leikskólans í fyrsta sinn

Kynningarnefnd Félags leikskólakennara hefur að undanförnu unnið að því í samvinnu við menntamálaráðuneyti, Samband íslenskra sveitarfélaga og samtökin Heimili og skóla að einn dagur á ári hverju verði sérstaklega tileinkaður leikskólanum og því starfi sem þar fer fram.
Lesa meira

5. feb. 2008

Dagsetningar samræmdra prófa í 4. og 7. bekk haustið 2008

Samræmd próf í íslensku og stærðfræði verða lögð fyrir nemendur í 4. og 7. bekk haustið 2008, sbr. 46. gr. laga nr. 66/1995 um grunnskóla.
Lesa meira

5. feb. 2008

Eru samkeppni og val í opinberri þjónustu leið til að auka gæði og hagkvæmni? - (From Target to Market: How to Deliver High Quality Public Services?)

Síðdegismálþing Stofnunar stjórnsýslufræða og Félags forstöðumanna ríkisstofnana verður haldið þann 11. febrúar nk. kl. 15.05-17.00. Málþingið fjallar um nýjar leiðir í opinberri þjónustu; leiðir sem byggja á vali notenda og samkeppni milli þeirra sem veita þjónustuna.
Lesa meira

5. feb. 2008

Málþing á Alþjóðlega netöryggisdeginum 12. febrúar

SAFT heldur opið málþing í tilefni af Alþjóðlega netöryggisdeginum þann 12. febrúar nk. kl. 16-18 í Kennaraháskólanum.
Lesa meira

4. feb. 2008

Kennaramenntun með því stysta sem þekkist í Evrópu

„Við verðum að hækka laun kennara“, sagði menntamálaráðherra á fundi sjálfstæðismanna sem sagt var frá í sjónvarpsfréttum í gær og formaður KÍ, Eiríkur Jónsson, fagnaði þessum orðum í sama fréttatíma. Þorgerður Katrín sagði kennaramenntunarfrumvarpinu ætlað að styrkja stöðu kennara og auka virðingu fyrir stéttinni, leikskólinn væri fyrsta skólastigið og því sjálfsagt að leikskólakennarar þyrftu einnig meistaragráðu. Sem kunnugt er hafa bæði borgarráð og Samband íslenskra sveitarfélaga gagnrýnt kennaramenntunarfrumvarpið, meðal annars á þeim forsendum að þá verði erfiðara að manna leik- og grunnskóla. Athygli vekur að umsagnir SÍS og borgarráðs skuli vera fullkomlega í blóra við afstöðu ráðherra, kennaramenntunarstofnana í landinu og síðast en ekki síst Kennarasambandsins en þess má geta að varaformaður KÍ rökstuddi lengingu kennaranáms á prenti löngu áður en umsagnir SÍS og borgarráðs voru lagðar fram.
Lesa meira

4. feb. 2008

Meðferð og túlkun á niðurstöðum alþjóðlega grunnskólaprófsins PISA: Í leit að sérstöðu Íslands

Námskeiðið er ætlað öllu fagfólki í menntun og kennslu innan grunnskóla. Það verður haldið miðvikudaginn 13., föstudaginn 15. og mánudaginn 18. febrúar nk.
Lesa meira

4. feb. 2008

Viltu eflast í starfi?

Menntamálaráðuneytið býður leik- og grunnskólakennurum 15 e. viðbótarnám í íslensku, dönsku, ensku, stærðfræði og náttúrufræði. Skráningarfrestur er til 15. febrúar.
Lesa meira

4. feb. 2008

Dagur leikskólans 6. febrúar

Markmiðið með degi leikskólans er m.a að gera þegna þjóðfélagsins betur meðvitaða um þýðingu leikskólakennslu fyrir börn og skapa jákvæða ímynd leikskólans. Með því móti beinist athygli þjóðarinnar að stöðu leikskólans, gildi hans fyrir þjóðarauð og alla menningu.
Lesa meira